ആലപ്പുഴ:റേഷൻ കടകൾ വഴിയുള്ള ഭക്ഷ്യധാന്യ കി​റ്റ് വിതരണം 20 നകം പൂർത്തിയാക്കുമെന്ന് മന്ത്റി പി.തിലോത്തമൻ പറഞ്ഞു. ആലപ്പുഴ എസ്.ഡി.വി .സെന്റനറി ഹാളിലെ അവസാനഘട്ട കി​റ്റ് പാക്കിംഗ് ജോലികളുടെ പുരോഗതി വിലയിയിരുത്തിയ ശേഷം മാദ്ധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.

റേഷൻ കടകളിൽ നിന്നു കി​റ്റ് വാങ്ങാൻ കഴിയാത്തവർക്ക് 20ന് ശേഷം സപ്ലൈകോ ഔട്ട് ലെ​റ്റ് വഴി വിതരണം ചെയ്യും. ആവശ്യമായ രേഖകൾ ഹാജരാക്കണം.റേഷൻ കാർഡ് ലഭിച്ചിട്ടില്ലാത്ത അനാഥ മന്ദിരത്തിലേയും അഗതി മന്ദിരത്തിലേയും വൃദ്ധ സദനങ്ങളിലേയും കന്യാസ്ത്രീ മഠങ്ങളിലെയും അന്തേവാസികൾക്ക് സർക്കാർ കി​റ്റ് നൽകുന്നുണ്ട്. ലോക്ക്ഡൗൺ കാലത്തും റേഷൻ കാർഡ് വിതരണവും ഊർജ്ജിതമാക്കി. റസിഡൻഷ്യൽ സർട്ടിഫിക്ക​റ്റ് ലഭിക്കാൻ ബുദ്ധിമുട്ടുള്ളവർക്ക് ആധാർ കാർഡ്, സത്യവാങ്മൂലം, ഫോട്ടോ എന്നിവ നൽകിയാൽ റേഷൻ കാർഡ് നൽകാൻ തീരുമാനമെടുത്തിട്ടുണ്ടെന്നും അദ്ദേഹം പറഞ്ഞു.

എ.ഐ.വൈ.എഫ് സംസ്ഥാന ജോയിന്റ് സെക്രട്ടറി പി.എസ്.എം. ഹുസൈൻ, ജോയിന്റ് കൗൺസിൽ സംസ്ഥാന സെക്രട്ടേറിയ​റ്റ് അംഗം പി.എസ്. സന്തോഷ് കുമാർ, സപ്ലൈകോ അസിസ്​റ്റന്റ് മാനേജർ കല, ജെ.എം. മാഹിൻ, റേഷനിംഗ് ഇൻസ്‌പെക്ടർ ധന്യ പൊന്നപ്പൻ, ഓഫീസ് ഇൻ ചാർജ് മാനേജർമാരായ

സിനിജ, പ്രീത, സലിം, ജോയിന്റ് കൗൺസിൽ ജില്ലാ വനിതാ കമ്മി​റ്റി സെക്രട്ടറി ശാരി എന്നിവരും മന്ത്റിക്കൊപ്പം ഉണ്ടായിരുന്നു.