ആലപ്പുഴ: ലോക്ക് ഡൗണിൽ ബാങ്ക് അക്കൗണ്ടിലെ പണം വീട്ടുപടിക്കൽ എത്തിക്കുന്നതിന് തപാൽ വകുപ്പ് ഏർപ്പെടുത്തിയ സംവിധാനം തുടരുന്നു. ഏതു ബാങ്ക് അക്കൗണ്ടിലെയും പോസ്റ്റ് ഓഫീസ്, സേവിംസ് ബാങ്ക് അക്കൗണ്ടിലേയും പണം ആധാർ അധിഷ്ഠിത പേയ്മെന്റ് സംവിധാനം (എ.ഇ.പി.എസ്) ഉപയോഗിച്ച് പോസ്റ്റ് മാൻ വഴിയോ പോസ്റ്റ് ഓഫീസുകളിലൂടെയോ പിൻവലിക്കാം. ഉപയോക്താക്കളുടെ ബാഹുല്യം പരിഗണിച്ച് തപാൽ വകുപ്പിന്റെ സേവനങ്ങൾക്ക് എൻടിഇ തപാൽ എന്ന ആപ്പ് ഉപയോഗിക്കണമെന്ന് പോസ്റ്റ് ഓഫീസസ് ആലപ്പുഴ ഡിവിഷൻ സൂപ്രണ്ട് അറിയിച്ചു. തപാൽ വകുപ്പ് കേരള സർക്കിൾ വികസിപ്പിച്ച ആപ്പ് www.keralapost.gov.in/myneeds/ എന്ന ലിങ്കിൽ നിന്ന് ഡൗൺ ലോഡ് ചെയ്യാം. ഉപഭോക്താക്കൾ സൗകര്യം പ്രയോജനപ്പെടുത്തണം. വാട്ട്‌സ് ആപ്പ് നമ്പർ 86069 46704.

കൂടുതൽ വിവരങ്ങൾക്ക്

ആലപ്പുഴ ഡിവിഷൻ ഓഫീസ് - 0477 2251540

ആലപ്പുഴ ഹെഡ് ഓഫീസ് - 0477 2241525, 2245334,2245538