ചാരുംമൂട്: ഇന്നലെ വരെ ബസ് ഡ്രൈവറായി​രുന്ന ജി​തി​ൻ ഇനി​ മുതൽ വെഹി​ക്കി​ൾ ഇൻസ്പെക്ടർ. സ്ഥി​രോത്സാഹി​യായ ഈ യുവാവി​നെ ചാരുംമൂട് എസ്. എൻ.ഡി​.പി​ യൂണി​യൻ അനുമോദി​ച്ചു.

എൻജിനി​യറിംഗ് പഠനത്തിന് ശേഷം ബസ് ഡ്രൈവറായി ജോലി നോക്കുകയായി​രുന്നു ചുനക്കര 322-ം നമ്പർ എസ് എൻ ഡി പി ശാഖാംഗമായ ജിതിൻ. തുടർന്ന് മോട്ടോർ വാഹന ഇൻസ്പെക്ടർ പരീക്ഷ എഴുതി​യ ജി​തി​ന് സെലക്ഷനും ലഭി​ച്ചു.

എൻജി​നി​യറിംഗ് പരീക്ഷയി​ൽ ഉന്നതവി​ജയം കരസ്ഥമാക്കി​യി​ട്ടും തൊഴി​ലന്വേഷകനായി​ നി​ൽക്കാതെ കി​ട്ടി​യ ജോലി​ ചെയ്യുന്നതി​ന് മടി​ കാട്ടി​യി​ല്ല. കഠിന പ്രയത്നത്തിലൂടെ മോട്ടോർ വാഹന വകുപ്പിൽ ഉയർന്ന തസ്തികയിൽ തന്നെ ജോലി കരസ്ഥമാക്കിയതിൽ ജിതിനും കുടുംബാംഗങ്ങളും ഏറെ സന്തോഷത്തിലാണ്.

അവരുടെ സന്തോഷത്തിൽ പങ്കുചേർന്ന് ചാരുംമൂട് യൂണിയന്റേയും യൂത്ത് മൂവ്മെന്റിന്റേയും ചുനക്കര 322-ം ശാഖായോഗത്തിന്റേയും ഉപഹാരം യൂണിയൻ ചെയർമാൻ ജയകുമാർ പാറപ്പുറം ജിതിന് കൈമാറി. ചടങ്ങിൽ യൂണിയൻ കൺവീനർ ബി സത്യപാൽ, വൈസ് ചെയർമാൻ രഞ്ജിത്ത് ചുനക്കര, കമ്മിറ്റി അംഗം ചന്ദ്രബോസ്, യൂത്ത്മൂവ്മെന്റ് ചെയർമാൻ വി വിഷ്ണു, ശ്രാവൺ, ശ്രീക്കുട്ടൻ, മഹേഷ്, വിശ്വനാഥൻ, പ്രസാദ്, മഞ്ജുപ്രകാശ് എന്നിവർ പങ്കെടുത്തു.