ആലപ്പുഴ: ജില്ലയിലെ മീ​റ്റ് മർച്ചന്റ്,പോൾട്രി മർച്ചന്റ് സംഘടനാ പ്രതിനിധികളുമായി കളക്ടർ നടത്തിയ ചർച്ചയെത്തുടർന്ന് വിവിധ തരം ഇറച്ചികളുടെ വില ഏകീകരിച്ച് ഉത്തരവിറങ്ങി. മറ്റൊരു അറിയിപ്പ് ഉണ്ടാകുന്നതുവരെ ഇപ്പോൾ നിശ്ചയിച്ച വിലയിൽ മാത്രമേ ഇറച്ചി വില്പന നടത്താവൂ.

വില വിവരം എല്ലാ കടകളിലും പ്രദർശിപ്പിക്കണം. വില നിർദ്ദേശം ലംഘിക്കുന്ന വ്യാപാരികൾക്കെതിരെ 1955ലെ അവശ്യസാധന നിയമപ്രകാരം കേസെടുക്കുമെന്നും കളക്ടർ അറിയിച്ചു.

 അംഗീകൃത വില (കിലോ): കോഴി ലൈവ്:160, കോഴി മീ​റ്റ്: 230, കാളയിറച്ചി: 300, പോത്തിറച്ചി: 340, ആട്ടിറച്ചി:680