ആലപ്പുഴ: സുഭിക്ഷ പദ്ധതിയുടെ ഭാഗമായി കൃഷ്ണപുരം പഞ്ചായത്തിലെ മുഴുവൻ വീടുകളിലും 400 രൂപയോളം വരുന്ന ഇടവിളക്കിറ്റുകൾ സൗജന്യമായി നൽകി. തൊഴിലുറപ്പ് പദ്ധതിയിലുൾപ്പെടുത്തി ഓരോ വീട്ടിലും കൃഷിനടത്തും. പദ്ധതിയുടെ ഉദ്ഘാടനം വാ‌ർഡ് ഒന്നിൽ പഞ്ചായത്ത് പ്രസിഡന്റ് ബി.വിജയമ്മ നിർവ്വഹിച്ചു. ജനപ്രതിനിധികൾ, കൃഷി ഓഫീസർ, കാർഷിക വികസന സമിതി അംഗങ്ങൾ, തൊഴിലുറപ്പു തൊഴിലാളികൾ, കർഷകർ തുടങ്ങിയവർ പങ്കെടുത്തു.