ആലപ്പുഴ: ലോക്ക് ഡൗൺ ലംഘനത്തിന് ജില്ലയിൽ ഇന്നലെ 61 കേസുകൾ രജിസ്റ്റർ ചെയ്തു. 81 പേർ പകർച്ചവ്യാധി നിയന്ത്രണ നിയമപ്രകാരം അറസ്റ്റിലായി. നിയന്ത്രണം ലംഘിച്ച് നിരത്തിലിറങ്ങിയ 36 വാഹനങ്ങൾ പിടിച്ചെടുത്ത് രജിസ്റ്റർ ചെയ്ത കേസിൽ36,000 രൂപ പിഴ ഈടാക്കി. കൊവിഡ് നിയന്ത്രണം ലംഘിച്ചതിന് അഞ്ചു കേസിൽ 28 പേർക്കും മാസ്‌ക് ധരിക്കാതെ പുറത്തിറങ്ങിയതിന് 36 പേർക്കും ചാരായം നിർമ്മിച്ചതിന് രണ്ടു കേസുകളിൽ ആറുപേർക്കും എതിരെ കേസെടുത്തു. സമൂഹ മാധ്യങ്ങളിൽ തെറ്റായ വാർത്ത പ്രചരിപ്പിച്ചതിനെതിരെ കുറത്തികാട് സ്റ്റേഷനിൽ ഒരാളെ അറസ്റ്റു ചെയ്തു.