മാവേലിക്കര: പ്ളസ് ടു വിദ്യാർത്ഥിനികൾക്ക് പരീക്ഷഎഴുതാൻ യാത്രാസൗകരളമൊരുക്കി എക്സൈസ് വകുപ്പ്. മാവേലിക്കര ഗവ.ഗേൾസ് ഹയർ സെക്കൻഡറി സ്കൂളിലെ കുട്ടികൾക്കാണ് പി.ടി.എയുടെ അഭ്യർത്ഥന പ്രകാരം മാവേലിക്കര എക്സൈസ് സി.ഐ ആർ.മനോജ് സർക്കിൾ ഓഫീസിലെ വാഹനം അനുവദിച്ച് സഹായിച്ചത്. പ്രിവന്റീവ് ഓഫീസർമാരായ ബി.സുനിൽകുമാർ, ജോഷി ജോൺ, സ്കൂളിലെ വിമുക്തി മിഷൻ കോർഡിനേറ്ററായ പി.സജികുമാർ, എക്സൈസ് ഡ്രൈവർ റിയാസ് എന്നിവരുടെ നേതൃത്വത്തിലാണ് കുട്ടികളെ സ്കൂളിൽ എത്തിച്ചത്.