ന്യൂഡൽഹി: പ്രധാനമന്ത്രി നരേന്ദ്രമോദിയുടെ 20 ലക്ഷം കോടിയുടെ പാക്കേജ്​ പ്രഖ്യാപനം ഒരു തലക്കെട്ടും ശൂന്യമായ പേജും മാത്രമാണെന്ന്​ മുൻ കേന്ദ്ര ധനകാര്യമന്ത്രിയും കോൺഗ്രസ്​ നേതാവുമായ പി. ചിദംബരം പറഞ്ഞു. അതിനാൽ ഇതേക്കുറിച്ചുള്ള തൻ്റെ പ്രതികരണവും ശൂന്യമായിരുന്നുവെന്ന് അദ്ദേഹം കൂട്ടിച്ചേർത്തു.

‘​. സർക്കാർ സമ്പദ്​വ്യവസ്ഥയിലേക്ക്​ യഥാർത്ഥത്തിൽ പകരുന്ന ഓരോ അധിക തുകയും ഞങ്ങൾ ശ്രദ്ധപൂർവം എണ്ണും ആർക്കൊക്കെ എത്രയൊ​ക്കെ കിട്ടിയെന്നതും ശ്രദ്ധാപൂർവം പരിശോധിക്കും. നൂറ്​ കണക്കിന്​ കിലോമീറ്റർ ദൂരം നടന്ന്​ സ്വന്തം സംസ്ഥാനങ്ങളിലേക്ക്​ പോയ അന്തർ സംസ്ഥാന തൊഴിലാളികൾക്കും പാവപ്പെട്ടവർക്കും വിശക്കുന്നവർക്കും എന്തു കിട്ടിയെന്നാവും ആദ്യം പരിശോധിക്കുക-’ ചിദംബരം ട്വീറ്റിൽ കുറിച്ചു..