ന്യൂഡൽഹി: രാജ്യത്തെ ആകെ കൊവിഡ് ബാധിതർ 1.86 ലക്ഷം കടന്നു. മരണം 5200 പിന്നിട്ടു. ചികിത്സയിലുള്ളവരുടെ എണ്ണം 90,000 കടന്നു.

 മഹാരാഷ്ട്രയിൽ 2487 പുതിയ രോഗികൾ. 89 മരണം. ധാരാവിയിൽ 38 പുതിയ രോഗികൾ. ആകെ രോഗികൾ 67,655. മരണം 2,286.
 തമിഴ്‌നാട്ടിൽ ഇന്നലെ 1,149 പുതിയ രോഗികളും 13 മരണവും. ഇതാദ്യമായാണ് തമിഴ്‌നാട്ടിൽ പ്രതിദിന രോഗികൾ ആയിരം കടക്കുന്നത്. ഇതിൽ 809 കേസുകളും ചെന്നൈയിലാണ്. ആകെരോഗികൾ 22,333. മരണം 173.
 ഡൽഹിയിൽ തുടർച്ചയായ നാലാംദിവസവും രോഗികൾ ആയിരം കടന്നു. ഇന്നലെ 1,149 പുതിയ രോഗികളും 57 മരണവും. ഏറ്റവും ഉയർന്ന പ്രതിദിന നിരക്കാണിത്.

ഗുജറാത്തിൽ 438 പുതിയ കേസുകളും 31 മരണവും,പശ്ചിമബംഗാളിൽ 371 പുതിയ രോഗികളും 8 മരണവും റിപ്പോർട്ടുചെയ്തു.

കൊവിഡ് പരിശോധനാഫലം വരുന്നതിന് മുമ്പെ ചെന്നൈയിൽ നിന്നെത്തിയയാളെ ക്വാറന്റൈൻ കേന്ദ്രത്തിൽ നിന്ന് പറഞ്ഞവിട്ടതിന് നാഗാലാൻഡ് ആരോഗ്യ പ്രിൻസിപ്പൽ സെക്രട്ടറിയെ നീക്കി.

 ഡൽഹിയിലെ റെയിൽഭവനിലെ ഡയറക്ടർ തല ഉദ്യോഗസ്ഥന് കൊവിഡ്. റെയിൽഭവനിൽ ഇത് ആറാമത്തെ കൊവിഡ് കേസാണ്. 29 ജീവനക്കാരെ നിരീക്ഷണത്തിലാക്കി.