കോലഞ്ചേരി: തിരുവാണിയൂരിൽ വീട്ടിൽ നടന്ന വാ​റ്റ് എക്‌സൈസ് സംഘം പിടികൂടി. ഒ.ഇ.എൻ അങ്കണവാടി റോഡിലെ പുലിക്കുഴിയിൽ വീട്ടിലായിരുന്നു വാ​റ്റ് നടന്നത്. എക്‌സൈസിനു ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. പുലിക്കുഴിയിൽ ഷാജി (54), പൊന്നേൽ അഭിലാഷ് (37) എന്നിവരാണ് പിടിയിലായത്. ആറു ലിറ്റർ ചാരായവും 20 ലിറ്റർ വാഷും വാ​റ്റുപകരണങ്ങളും പിടിച്ചെടുത്തു. കുന്നത്തുനാട് സി.ഐ മുഹമദ് ഹാരീഷിന്റെ നേതൃത്വത്തിൽ പ്രിവന്റിവ് ഓഫീസർമാരായ എം.യു സാജു, ജോണി അഗസ്​റ്റിൻ, ടി ആജയകുമാർ, സിവിൽ എക്‌സൈസ് ഓഫീസർമാരായ ടി.എസ് പ്രദീഷ്, യു.എം സുഭാഷ്, എം.എൻ അനിൽകുമാർ, യു.കെ ജ്യോതിഷ്, പി.കെ മനീഷ്, പി.എച്ച് നൗഫൽ, അരുൺ ലാൽ, മിഥുൻ ലാൽ, കെ.കെ അജിത്ത്, വനിത എക്‌സൈസ് ഓഫീസർ സരിത റാണി,കെ.ആർ രംഗീല തുടങ്ങിയവരുടെ നേതൃത്വത്തിലായിരുന്നു പരിശോധന.