മൂവാറ്റുപുഴ: വിഷരഹിത പച്ചക്കറി ഉൽപ്പാദനത്തിൽ സ്വയം പര്യാപ്തത ലക്ഷ്യം വച്ച് കൊണ്ട് സി.പി.ഐയുടെ നേതൃത്വത്തിൽ സമൃദ്ധി ജൈവ പച്ചക്കറി കൃഷിയ്ക്ക് തൊഴിലാളി ദിനമായ മെയ് ഒന്നിന് മൂവാറ്റുപുഴയിൽ തുടക്കമായി. നിയോജക മണ്ഡലത്തിൽ 500 കേന്ദ്രങ്ങളിലാണ് പാർട്ടി ബ്രാഞ്ച്, ലോക്കൽ കമ്മിറ്റികളുടെ നേതൃത്വത്തിൽ വിവിധ ജൈവപച്ചക്കറി കൃഷി ആരംഭിക്കുന്നത്. പാർട്ടി ഓഫീസുകളിലും പാർട്ടി അംഗങ്ങളുടെ വീടുകളിലും മട്ടുപാവുകളിലും തെരഞ്ഞെടുത്ത കൃഷിയിടങ്ങളിലുമാണ് കൃഷി ആരംഭിക്കുന്നത്. മൂവാറ്റുപുഴ നിയോജക മണ്ഡലതല ഉദ്ഘാടനം പായിപ്ര ലോക്കലിലെ തൃക്കളത്തൂരിൽ എൽദോ എബ്രഹാം എം.എൽ.എ നിർവഹിച്ചു. ലോക്കൽ സെക്രട്ടറി കെ.കെ.ശ്രീകാന്ത് അദ്ധ്യക്ഷത വഹിച്ചു. മാറാടി ലോക്കൽതല ഉദ്ഘാടനം മുൻഎം.എൽ.എ ബാബുപോളും, വാളകം ലോക്കൽ തല ഉദ്ഘാടനം ജില്ലാ പഞ്ചായത്ത് മെമ്പർ എൻ.അരുണും, ആവോലി ലോക്കൽതല ഉദ്ഘാടനം സി.പി.ഐ മണ്ഡലം സെക്രട്ടറി ടി.എം.ഹാരീസും മൂവാറ്റുപുഴ മുനിസിപ്പൽ നോർത്ത് ലോക്കൽതല ഉദ്ഘാടനം നഗരസഭ വൈസ് ചെയർമാൻ പി.കെ.ബാബുരാജും, ആയവന ലോക്കൽതല ഉദ്ഘാടനം മണ്ഡലം അസിസ്റ്റന്റ് സെക്രട്ടറി ജോളി പൊട്ടയ്ക്കലും മൂവാറ്റുപുഴ മുനിസിപ്പൽ സൗത്ത് ലോക്കൽതല ഉദ്ഘാടനം പ്രൊഫസർ. ഹേമ വിജയനും പോത്താനിക്കാട് ലോക്കൽതല ഉദ്ഘാടനം മണ്ഡലം സെക്രട്ടറിയേറ്റ് അംഗം വിൻസന്റ് ഇല്ലിക്കലും മഞ്ഞള്ളൂർ ലോക്കൽതല ഉദ്ഘാടനം മണ്ഡലം സെക്രട്ടറിയേറ്റ് അംഗം ഇ.കെ.സുരേഷും മുളവൂർ ലോക്കൽതല ഉദ്ഘാടനം മണ്ഡലം സെക്രട്ടറിയേറ്റ് അംഗം സീന ബോസും പാലക്കുഴ ലോക്കൽതല ഉദ്ഘാടനം ലോക്കൽ സെക്രട്ടറി വി.എം.തമ്പിയും ആരക്കുഴ ലോക്കൽതല ഉദ്ഘാടനം ലോക്കൽ സെക്രട്ടറി കെ.ജി.സത്യനും പൈങ്ങോട്ടൂർ ലോക്കൽതല ഉദ്ഘാടനം ലോക്കൽ സെക്രട്ടറി മേജോ ജോർജും കല്ലൂർക്കാട് ലോക്കൽതല ഉദ്ഘാടനം ലോക്കൽ സെക്രട്ടറി കെ.കെ.സജിയും നിർവഹിച്ചു.