മൂവാറ്റുപുഴ: കൊവിഡ് 19ന്റെ പശ്ചാത്തലത്തിൽ പ്രതിസന്ധിയിലായ അനാഥഅഗതി മന്ദിരങ്ങൾക്ക് സഹായ ഹസ്തവുമായി എൽദോ എബ്രഹാം എം.എൽ.എ രംഗത്തെത്തി. നിയോജക മണ്ഡലത്തിൽ 25ഓളം അഗതിഅനാഥ സ്ഥാപനങ്ങളാണ് പ്രവർത്തിക്കുന്നത്. ഇവകളിൽ അന്തേവാസികളും ജീവനക്കാരുമടയ്ക്കം 100 കണക്കിനാളുകളാണുള്ളത്. ഇവർക്ക് ഭക്ഷണം, വസ്ത്രം മരുന്ന് അടക്കം ഒരുക്കുന്നത് വിദേശത്ത് നിന്ന് അടക്കമുള്ള വിവിധ സംഘടനകളുടെയും ഉദാരമതികളുടെയും സഹായത്താലാണ്. കൊവിഡ് പടർന്ന് പിടിക്കാൻ തുടങ്ങിയതോടെ വിദേശത്ത് നിന്നുമുള്ള സഹായധനം നിലച്ചതിനാൽ പല അനാഥഅഗതി മന്ദിരങ്ങളുടെ പ്രവർത്തനം ദുരിതത്തിലായി. ലോക്ക് ഡൗൺ പ്രഖ്യാപിച്ചതോടെ പ്രദേശീക സഹായങ്ങളും നിലച്ചു. വിവാഹ വാർഷികം, ചരമവാർഷികം, ജന്മദിനാഘോഷം, വിവാഹങ്ങൾ അടക്കമുള്ള പരിപാടികൾ വീടുകളിൽ നടക്കുമ്പോൾ അനാഥഅഗതി മന്ദിരങ്ങൾക്ക് പ്രദേശവാസികൾ സഹായഹസ്തവുമായി എത്തുമായിരുന്നു. അഗതി മന്ദിരങ്ങളുടെയും ക്ഷേമ സ്ഥാപനങ്ങളുടെയും ദുരിതങ്ങൾ നേരിട്ടറിഞ്ഞ എൽദോ എബ്രഹാം എം.എൽ.എ നിയോജക മണ്ഡലത്തിലെ എല്ലാ അഗതിഅനാഥ മന്ദിരങ്ങളിലും അരിയും പലവ്യജ്ഞനങ്ങൾ അടക്കം നൽകി. പദ്ധതിയുടെ നിയോജക മണ്ഡലതല ഉദ്ഘാടനം കാവക്കാട് സെന്റ് ജോർജ് ജ്യോതിഭവനിൽ അരിയും പലവ്യജ്ഞനങ്ങളും നൽകി എൽദോ എബ്രഹാം എം.എൽ.എ നിർവഹിച്ചു. മദർ സുപ്പീരിയർ സിസ്റ്റർ മരിയ, ജോളി പൊട്ടയ്ക്കൽ, ശിവാഗോ തോമസ്, സജീവ് ജോൺ, സജി മാങ്കുടിയിൽ, ഷിബു ജോസഫ് എന്നിവർ ചടങ്ങിൽ പങ്കെടുത്തു.