വിജയവാഡ: ഇതരസംസ്ഥാനത്തേക്ക് തൊഴിലിനായി പോയിട്ടുള്ള ആന്ധ്രാ സ്വദേശികളെ തിരിച്ചെത്തിക്കുന്നതിനു മുന്നോടിയായുള്ള നടപടി ക്രമങ്ങൾ സർക്കാർ ആരംഭിച്ചു. ലോക്ക് ഡൗണിനെ തുടർന്ന് അന്യ സംസ്ഥാനങ്ങളിൽ രണ്ട് ലക്ഷം ആന്ധ്രാ സ്വദേശികൾ കുടുങ്ങി കിടക്കുകയാണ്. ഇവരെ തിരികെ എത്തിക്കുന്നതിന് മുന്നോടിയായി ഗ്രാമ പ്രദേശങ്ങളിൽ രണ്ട് ലക്ഷം കിടക്കകളുള്ള പ്രത്യേക ക്വാറന്റൈൻ കേന്ദ്രങ്ങൾ ആരംഭിക്കുമെന്ന് ആരോഗ്യമന്ത്രി അല്ല കാളികൃഷ്ണ ശ്രീനിവാസ് പറഞ്ഞു.

കുടിയേറ്റ തൊഴിലാളികൾ, തീർത്ഥാടകർ, വിദ്യാർത്ഥികൾ, എന്നിവരുൾപ്പെടെ രണ്ട് ലക്ഷത്തോളം തെലുങ്ക് ആളുകൾ രാജ്യത്തുടനീളം വിവിധ സംസ്ഥാനങ്ങളിൽ കുടുങ്ങിക്കിടക്കുകയാണെന്നും അവരെ തിരിച്ചുകൊണ്ടുവരാനുള്ള ശ്രമങ്ങൾ തുടരുകയാണെന്നും മന്ത്രി പറഞ്ഞു. മറ്റ് സംസ്ഥാനങ്ങളിൽ നിന്നുള്ള 12,974 പേരെ സംസ്ഥാനത്തൊട്ടാകെയുള്ള ദുരിതാശ്വാസ ക്യാമ്പുകളിൽ പാർപ്പിച്ചിട്ടുണ്ടെന്നും മന്ത്രി പറഞ്ഞു. മുഖ്യമന്ത്രി വൈ എസ് ജഗൻ മോഹൻ റെഡ്ഡിയുടെ നേതൃത്വത്തിൽ ഞായറാഴ്ച നടന്ന അവലോകന യോഗത്തിൽ മറ്റ് സംസ്ഥാനങ്ങളിൽ നിന്ന് കുടുങ്ങിയവരെ ഒമ്പത് പ്രത്യേക ട്രെയിനുകളിൽ തിരിച്ചുകൊണ്ടുവരാനുള്ള കർമപദ്ധതി ആവിഷ്‌കരിച്ചിട്ടുണ്ട്. എന്നിരുന്നാലും, നിലവിലെ കോറന്റൈൻ കേന്ദ്രങ്ങളുടെ അപര്യാപ്തതയുണ്ടെന്നതിനാൽ മുഖ്യമന്ത്രിയുടെ നിർദേശപ്രകാരം എല്ലാ ഗ്രാമപ്രദേശികളിലും എല്ലാ സൗകര്യങ്ങളോടും കൂടി കുറഞ്ഞത് 10 കിടക്കകളെങ്കിലും ഉണ്ടായിരിക്കുമെന്നും അദ്ദേഹം പറഞ്ഞു. 500 മൊബൈൽ ബസാറുകളിൽ പാൽ, അവശ്യവസ്തുക്കൾ, പച്ചക്കറികൾ എന്നിവ റെഡ് സോൺ പ്രദേശങ്ങളിൽ വിതരണം ചെയ്യും. കൂടാതെ മറ്റു രാജ്യങ്ങളിൽ ലോക്ക്ഡൗൺ കാരണം കുടുങ്ങിയ ആന്ധ്രയിൽ നിന്നുളള വിദ്യാർത്ഥികളേയും മുതിർന്ന പൗരന്മാരെയും തിരികെ എത്തിക്കുമെന്ന് മുഖ്യമന്ത്രി അറിയിച്ചു. സുരക്ഷിതമായി മടങ്ങിവരാൻ ആന്ധ്രാപ്രദേശ് നോൺ-റസിഡന്റ് തെലുങ്ക് സൊസൈറ്റി (എപിഎൻ‌ആർ‌ടി‌എസ്) മുഖ്യമന്ത്രിക്ക് കത്തെഴുതിയതിനെ തുടർന്നാണിത്. ഇതിന് മറുപടിയായി റെഡ്ഡി ഇക്കാര്യം വിദേശകാര്യ മന്ത്രി എസ്. ജയ്‌ശങ്കറുമായി ചർച്ച ചെയ്തു. തെലുങ്ക് ജനതയുടെ, പ്രത്യേകിച്ച് മുതിർന്ന പൗരന്മാരുടെ സുരക്ഷിതമായ തിരിച്ചുവരവ് ക്രമീകരിക്കാൻ അഭ്യർത്ഥിച്ചു.

ഗൾഫ് രാജ്യങ്ങളിൽ വിസയും രജിസ്ട്രേഷനും നേരിടുന്നവരെ സഹായിക്കണമെന്ന് ആവശ്യപ്പെട്ട് മുഖ്യമന്ത്രി കേന്ദ്ര-കുവൈറ്റ് സർക്കാരിന് ഒരു കത്തും അയച്ചിട്ടുണ്ട്. ഉപജീവനത്തിനായി നിരവധി ആന്ധ്രാ സ്വദേശികൾ കുവൈത്തിൽ താമസിക്കുന്നുണ്ട്.