ചെന്നൈ: ലോക്ക് ഡൗണിനു ശേഷം നോട്ടുകളുടെ കൈമാറ്റം ഒഴിവാക്കാൻ ബസുകളിൽ ടിക്കറ്റ് നൽകുന്നതിന് ഇ-പേയ്മെന്റ് സംവിധാനം ഉപയോഗിക്കാൻ തമിഴ്നാട് സർക്കാർ. ഗൂഗിൾ പേ, പേ.ടി.എം പോലുള്ള ഇ പേയ്മെന്റ് സംവിധാനം ഉപയോഗിക്കാൻ സർക്കാർ ബസ് കണ്ടക്ടർമാരോടു ആവശ്യപ്പെട്ടു.
ലോക്ക് ഡൗണിനു ശേഷം എല്ലാ സ്റ്റേറ്റ് ട്രാൻസ്പോർട്ട് കോർപ്പറേഷനുകളും പാലിക്കേണ്ട സ്റ്റാൻഡേർഡ് ഓപ്പറേറ്റിംഗ് നടപടിക്രമങ്ങൾ (എസ്ഒപി) വിശദീകരിക്കുന്ന ഒരു സർക്കുലറിലൂടെയാണ് ഇക്കര്യം വ്യക്തമാക്കിയത്. വൈറസിന്റെ വ്യാപനം തടയുക എന്ന ലക്ഷ്യത്തോടെയാണ് ബസുകളിൽ കാർഡ്‌ലെസ്സ് പേ സംവിധാനം ഒരുക്കുന്നത്.
സാങ്കേതിക കാരണങ്ങളാൽ രണ്ട് വർഷം മുമ്പ് നിർത്തിവച്ചിരുന്ന ചെന്നൈയിലെ മെട്രോപൊളിറ്റൻ ട്രാൻസ്പോർട്ട് കോർപ്പറേഷൻ (എംടിസി) പ്രതിദിന പാസ് പദ്ധതി പുനരാരംഭിക്കാനാണ് സാദ്ധ്യത. പദ്ധതി സജീവമായിരുന്നപ്പോൾ എട്ടു ലക്ഷത്തിലധികം ആളുകൾ സീസണൽ പാസുകൾ സബ്‌സ്‌ക്രൈബുചെയ്‌തുവെന്നാണ് ഒൗദ്യോഗിക വിവരം. എം..ടി..സിയുടെ ദൈനംദിന ഉപഭോക്താക്കളുടെ നാലിലൊന്നാണിത്. “അതിനാൽ, ഈ ലോക്ക് ഡൗൺ വിപുലീകരിക്കുകയെന്നത് എം..ടി..സിയെ സംബന്ധിച്ചിടത്തോളം വലിയ കാര്യമല്ലെന്ന് ഗതാഗത പ്രവർത്തകനായ ആർ റെംഗാചാരി പറഞ്ഞു.