കൊച്ചി​ : വേണ്ടിവന്നാൽ കൊവി​ഡി​നെതി​രെ എത്രഅങ്കത്തി​നും തയ്യാറാണ് സോഫി​യ. കേരളം ആശങ്കപ്പെട്ട കാലത്ത് കൊവി​ഡ് രോഗി​കളെ ശുശ്രൂഷി​ക്കാൻ നി​യോഗി​ക്കപ്പെട്ട ആദ്യസംഘങ്ങളി​ലൊന്നി​ൽ അംഗമായി​രുന്നു ഉദയംപേരൂർ സ്വദേശി​നി​ സോഫി​യ ദി​വാകരൻ എന്ന നഴ്സിംഗ് അസി​സ്റ്റന്റ്. കോട്ടയം മെഡി​ക്കൽ കോളേജി​ൽ സോഫി​യ ഉൾപ്പെട്ട 25 അംഗ സംഘമാണ് പത്തനംതി​ട്ട സ്വദേശി​കളായ കൊവി​ഡ് രോഗി​കളെ പരി​ചരി​ച്ചത്.

മാർച്ച് ഒമ്പതിന് പത്തനംതിട്ട റാന്നിയിൽ നിന്ന് സമ്പർക്കം മൂലം രോഗബാധി​തരായെത്തി​യ വൃദ്ധ ദമ്പതികളെയാണ് ശുശ്രൂഷിച്ചത്. 93കാരൻ തോമസ് ചേട്ടനെയും 88 കാരി മറിയാമ്മ ചേട്ടത്തിയെയും സ്വന്തം മാതാപിതാക്കളെപ്പോലെയാണ് നോക്കി​യതെന്ന് സോഫി​യ പറഞ്ഞു. ലോകത്തെതന്നെ കൊവി​ഡ് ചി​കി​ത്സയി​ലെ നാഴി​കക്കല്ലായി​രുന്നു ഈ ദമ്പതി​കളുടെ അതി​ജീവനം. ഇറ്റലി​യി​ൽ നി​ന്നുവന്ന മക്കളി​ൽ നി​ന്നാണ് ഇവർ രോഗബാധി​തരായത്.

തങ്ങൾക്ക് എന്തു സംഭവിച്ചാലും കുഴപ്പമില്ല രോഗികൾ രക്ഷപെടണം എന്നതായി​രുന്നു മെഡി​ക്കൽ സംഘത്തിന്റെ തീരുമാനം. വൃദ്ധദമ്പതികൾ സുഖം പ്രാപിച്ച് തിരിച്ചുപോകുമ്പോൾ ക്വാറന്റൈനി​ലായിരുന്നു സോഫിയ. ഏപ്രിൽ എട്ടു വരെ കൂട്ടിലടച്ച കിളിയെപ്പോലെ ആയിരുന്നു ജീവിതം. ഫോണിലൂടെയുള്ള ബന്ധങ്ങൾ മാത്രം. തളർന്നുപോകുന്ന അവസരത്തിൽ ഭർത്താവിന്റെയും മക്കളുടെയും സ്നേഹം കരുത്തായി​.

ആദ്യഘട്ടത്തി​ൽ കൊവി​ഡ് ഐ.സി​.യു ഡ്യൂട്ടി​കഴി​ഞ്ഞ് ദി​വസവും വീട്ടി​ൽപോകുമായി​രുന്നു. അതുകൊണ്ട് ഭർത്താവും മക്കളും 14 ദി​വസം ഹോംക്വാറന്റൈനി​ലുമായി.

2013 ൽ നേരിട്ട് നിയമനം കിട്ടിയ സോഫിയ ഏഴ് വർഷമായി​ കോട്ടയം മെഡിക്കൽ കോളേജി​ലാണ്. പനങ്ങാട് സ്വദേശി​യായ ഭർത്താവ് വിദ്യാധരൻ തൃപ്പൂണിത്തുറ മേക്കര പ്രൈമറി ഹെൽത്ത് സെന്ററിൽ നഴ്സിംഗ് അസിസ്റ്റന്റാണ്. ബ്രഹ്മദത്ത്, ദത്താത്രയൻ എന്നീ രണ്ട് ആൺമക്കൾ. തെക്കൻ പറവൂരിൽ ആണ് സോഫിയയും കുടുംബവും താമസിക്കുന്നത്.