കൊച്ചി: ദുബായിയിൽ നിന്ന് തിങ്കളാഴ്ച രാത്രി കൊച്ചിയിലെത്തിയ എയർ ഇന്ത്യാ വിമാനത്തിൽ 178 പ്രവാസികളാണ് തിരിച്ചെത്തിയത്. 87 പേർ പുരുഷൻമാരും 91 പേർ സ്ത്രീകളുമാണ്. പത്ത് വയസിൽ താഴെയുള്ള 10 കുട്ടികളും 26 ഗർഭിണികളും 13 മുതിർന്ന പൗരന്മാരും ഇതിൽ ഉൾപ്പെടുന്നു.

ഇതിൽ കോട്ടയം തൃശൂർ, ആലപ്പുഴ ജില്ലക്കാരായ മൂന്നു പേരെ എറണാകുളം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇവരിൽ രണ്ടു പുരുഷന്മാരും ഒരു സ്ത്രീയുമാണ്. പാലക്കാട് ജില്ലാ ആശുപത്രിയിൽ 2 പേരെയും പ്രവേശിപ്പിച്ചു.

92 പേരെ വിവിധ ജില്ലകളിലെ കോവിഡ് കെയർ സെന്ററുകളിലേക്കും 81 പേരെ സ്വന്തം വീടുകളിൽ നിരീക്ഷണത്തിനും അയച്ചു. 93 പേരെ കെ.എസ്.ആർ.ടി.സി ബസുകളിലാണ് അയച്ചത്. 15 സ്വകാര്യ ടാക്‌സികളിലും 66 എയർപോർട്ട് ടാക്‌സികളിലും 4 ആംബുലൻസുകളിലുമായാണ് യാത്രക്കാരെ സ്വദേശങ്ങളിൽ എത്തിച്ചത്.

എറണാകുളം ജില്ലയിൽ നിന്നുള്ള 33 ൽ 17 പേരെ വീടുകളിലും 16 പേരെ കൊവിഡ് കെയർ സെന്ററുകളിലും നിരീക്ഷണത്തിലാക്കി.

യാത്രക്കാർ ജില്ല തിരിച്ച്
ആലപ്പുഴ 12
എറണാകുളം 33
ഇടുക്കി 5
കൊല്ലം 2
കാസർകോട് 3
കോട്ടയം 37
കോഴിക്കോട് 2
മലപ്പുറം 4
പാലക്കാട് 16
പത്തനംതിട്ട 7
തിരുവനന്തപുരം 3
തൃശൂർ 54