കോതമംഗലം: കോവിഡ് സാമ്പത്തിക പാക്കേജിന്റെ ഭാഗമായി ക്ഷേമപെൻഷൻ ഉൾപ്പടെ ഒരു സഹായവും ലഭിക്കാത്ത ബി.പി.എൽ അന്ത്യോദ കാർഡ് ഉടമകൾക്കായി സംസ്ഥാന സർക്കാർ പ്രഖ്യാപിച്ച 1000 രൂപയുടെ ധനസഹായത്തിന് കോതമംഗലം മണ്ഡലത്തിൽ നിന്നും 10385 പേരാണ് അർഹരായി. താലൂക്കിലെ വിവിധ പഞ്ചായത്തുകളായ കവളങ്ങാട് 1362, കീരംപാറ 661,കുട്ടമ്പുഴ 2469, കോട്ടപ്പടി 692, നെല്ലിക്കുഴി 1681, പല്ലാരിമംഗലം 804, പിണ്ടിമന 735, വാരപ്പെട്ടി 620, മുനിസിപ്പാലിറ്റി 1361 എന്നിങ്ങനെ 10385 പേരുടെ ലിസ്റ്റാണ് തയ്യാറാക്കിയിട്ടുള്ളത് . സാമൂഹ്യ സുരക്ഷ പെൻഷനോ ക്ഷേമപെൻഷനോ ധനസഹായമോ ലഭിക്കാത്ത ബി.പി.എൽ, അന്ത്യോദയ കാർഡ് ഉടമകൾക്കാണ് ധസഹായം ലഭിക്കുന്നത്. റേഷൻ കാർഡ് ഇല്ലാത്തവർ ഈ പദ്ധധതിയുടെ പരിധിയിൽ വരില്ല. ഗുണഭോക്താക്കളുടെ പട്ടിക റേഷൻ കടകളിലും ബന്ധപ്പെട്ട തദ്ദേശഭരണ സ്ഥാപനങ്ങളിലും ലഭ്യമാണ്. അർഹരായവർക്ക് സഹകരണ ബാങ്ക് ജീവനക്കാർ പണം വീട്ടിൽ എത്തിച്ച് നൽകും. ധനകാര്യ വകുപ്പ് നൽകിയ പത്രപരസ്യത്തിൽ ചേർത്തിട്ടുള്ള സത്യ പ്രസ്ഥാവന പൂരിപ്പിച്ച് ഒപ്പിട്ട് ബാങ്ക് ജീവനക്കാരെ ഏൽപ്പിക്കണം. പണം വിതരണം നടത്തുന്നതുമായി ബന്ധപ്പെട്ട് ചിലവ് സംസ്ഥാന സർക്കാർ വഹിക്കും ഗുണഭോക്താവ് യാതൊരു വിധത്തിലുള്ള തുകയും നൽകേണ്ടതില്ലെന്നും ധനസഹായത്തിന് ആവശ്യമായ തുക മുഖ്യമന്ത്രിയുടെ ദുരിതാശ്വാസ നിധിയിൽ നിന്നാണ് അനുവതിച്ചിട്ടുള്ളതെന്നും ആന്റണി ജോൺ എം എൽ എ പറഞ്ഞു.