കൊച്ചി: കെവിഡ് -19 രോഗവ്യാപന പ്രതിരോധത്തിന്റെ ഭാഗമായി ലോക്ക് ഡൗൺ നിലനിൽക്കിന്ന സാഹചര്യത്തിൽ 2020 ജനുവരി മുതൽ 2020 മേയ് വരെയുള്ള മാസങ്ങളിൽ രജിസ്‌ട്രേഷൻ പുതുക്കേണ്ടവർക്കു പുതുക്കുന്നതിന് ആഗസ്റ്റുവരെ സമയം നീട്ടി. www.eemployment.kerala.gov.in എന്ന വെബ്‌സൈറ്റിൽ ഓൺലൈനായും ബന്ധപ്പെട്ട എംപ്ലോയ്‌മെന്റ്. എക്‌സ്‌ചേഞ്ചുമായി ഫോൺ മുഖേന ബന്ധപ്പെട്ടും രജിസ്‌ട്രേഷൻ പുതുക്കാം. രജിസ്‌ട്രേഷൻ, അഡീഷൻ തുടങ്ങിയ സേവനങ്ങളും ഓൺലൈനായി ചെയ്യാം. ഓൺലൈൻ ആയി രജിസ്‌ട്രേഷൻ നടത്തിയവർ ഒറിജിനൽ സർട്ടിഫിക്കറ്റുകൾ 2020 ആഗസ്റ്റ് 27 നകം ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചിൽ ഹാജരാക്കി വെരിഫൈ ചെയ്താൽ മതി. 2019 ഡിസംബർ 20ന് ശേഷം ജോലിയിൽനിന്നു വിടുതൽ ചെയ്യപ്പെട്ട് ഡിസ്ചാർജ് സർട്ടിഫിക്കറ്റ് ഹാജരാക്കുന്ന ഉദ്യോഗാർത്ഥികൾക്ക് 2020 ആഗസ്റ്റ് 27 വരെ സീനിയോറിറ്റി നിലനിറുത്തി വിടുതൽ സർട്ടിഫിക്കറ്റ് ചേർത്ത് നൽകും.