കോലഞ്ചേരി : കൊവിഡ് കാലത്ത് കോലഞ്ചേരിക്കാർക്കിനി അവശ്യ സാധനങ്ങൾ വാങ്ങാൻ പുറത്തിറങ്ങേണ്ട, സാധനങ്ങൾ വീട്ടിലെത്തും. ലോക്ക് ഡൗണിൽ ബുദ്ധിമുട്ടുന്ന ജനങ്ങൾക്ക് അവശ്യ സാധനങ്ങൾ വീടുകളിലെത്തിക്കാൻ കേന്ദ്ര സർക്കാരിന്റെ ഐ.ടി വിഭാഗം ആരംഭിച്ച ഓൺലൈൻ മാർക്ക​റ്റിംഗി​ന് കോലഞ്ചേരിയിലും തുടക്കമായി. ഐ.ടി വിഭാഗത്തിന്റെ കീഴിലുള്ള കോമൺ സർവീസ് സെന്ററുകളാണ്(സി.എസ്.സി) പദ്ധതി നടപ്പാക്കുന്നത്.

മൊബൈലിൽ സി.എസ്.സി ഗ്രാമീൺ ഈസ്​റ്റോർ ആപ്ലിക്കേഷൻ ഇൻസ്​റ്റാൾ ചെയ്ത് ആവശ്യമുള്ള സാധനങ്ങൾ ഓർഡർ ചെയ്താൽ മതി

. നാട്ടിലെ കടയിൽ നിന്നുതന്നെ സാധനങ്ങൾ വാങ്ങി വൈകാതെ വീട്ടിലെത്തും.

. വ്യാപാരികൾക്കു നേരിട്ടു ലഭിക്കുന്ന ഓർഡറുകളും ഗ്രാമീൺ ഈസ്​റ്റോർ സഹായത്തോടെ വീടുകളിൽ എത്തിക്കാനും സൗകര്യമുണ്ട് .

പലവ്യഞ്ജനം, പച്ചക്കറി, പഴങ്ങൾ, നിത്യോപയോഗ സാധനങ്ങൾ തുടങ്ങി ഒരു സൂപ്പർ മാർക്ക​റ്റിൽ ലഭ്യമാകുന്നതെന്തും ഓർഡർ ചെയ്യാം. ആദ്യ ഘട്ടത്തിൽ പൂതൃക്ക, ഐക്കരനാട് പഞ്ചായത്തുകളിലാണു പദ്ധതി നടപ്പാക്കുന്നത്. ഇന്നലെ മുതൽ സേവനം ലഭ്യമാണ്. വിവരങ്ങൾക്ക് 9496350976. 7012400967