പറവൂർ: ലോക്ക്ഡൗണിൽ കഷ്ടപ്പെടുന്ന ഹയർ സെക്കൻഡറി വിദ്യാർത്ഥികളുടെ രക്ഷിതാക്കൾക്ക് വീടുകളിലേക്ക് അദ്ധ്യാപകർ ഭക്ഷ്യധാന്യ കിറ്റുകൾ നൽകി. കേരള എയ്ഡഡ് ഹയർ സെക്കൻഡറി ടീചേഴ്സ് അസോസിയേഷൻ ജില്ലാ കമ്മിറ്റിയുടെ നേതൃത്വത്തിലാണ് കിറ്റുകൾ നൽകിയത്. ഓരോ സകൂളിലേയും അദ്ധ്യാപകരാണ് അർഹരായ വിദ്യാർത്ഥികളെ കണ്ടെത്തിയത്. വി.ഡി. സതീശൻ എം.എൽ.എ ഉദ്ഘാടനം ചെയ്തു. ജില്ലാ പ്രസിഡന്റ് പ്രമോദ് മാല്യങ്കര, ജില്ലാ സെക്രട്ടറി കെ.എസ്. രാജേഷ്, സംസ്ഥാന സെക്രട്ടറി വി.പി. സാജൻ തുടങ്ങിയവർ പങ്കെടുത്തു.