ചെന്നൈ: ചെന്നൈയിൽ കൊവിഡ് പടർന്നു പിടിക്കുമ്പോഴും 50 കിലോമീറ്റർ അകലെയുള്ള പഹാവെർകാടിലെ മുപ്പത്തിരണ്ട് മത്സ്യബന്ധന ഗ്രാമങ്ങൾ വൈറസിനെ പടിക്കുപുറത്ത് നിർത്തിയിരിക്കുകയാണ്. എന്നിരുന്നാലും ലോക്ക്ഡൗണിനെ തുടർന്ന് പട്ടിണിയിലായതോടെ ഇവരുടെ ജീവിതം ദുരിതത്തിലാണ്. മീൻപിടിച്ചാൽ വിൽക്കാൻ ഏജന്റുമാരെ കിട്ടാതിരുന്നതിനാൽ ലോക്ക്ഡൗൺ പ്രഖ്യാപിച്ച മാർച്ച് 24 മുതൽ ഇവിടുള്ളവർ കടലിൽ പോവാതെയായി.

'ഓരോ കുടുംബത്തിനും 1,000 രൂപയും പലചരക്ക് സാധനങ്ങളും നൽകി. ഫിഷറീസ് വകുപ്പ് 5,000 രൂപയും, ഫിഷിംഗ് നിരോധന സബ്‌സിഡിയും ലോക്ക്ഡൗൺ സഹായമായി സംസ്ഥാന സർക്കാർ ഓരോ കുടുംബത്തിനും നൽകി. മത്സ്യത്തൊഴിലാളി കുടുംബങ്ങളെ നിലനിർത്താൻ ഇത് പര്യാപ്തമായിരുന്നില്ലെന്ന് അരങ്ങംകുപ്പം ഗ്രാമ മേധാവി പി എതിരാജ് പറഞ്ഞു. കൊവിഡിനെ തുടർന്നുണ്ടായ സർക്കാർ നിർദ്ദേശങ്ങൾ പാലിച്ചാണ് മത്സ്യത്തൊഴിലാളികൾ ഈ ഗ്രാമങ്ങളിൽ കഴിയുന്നത്. മാനദണ്ഡങ്ങൾ കർശനമാക്കിയതിനാലാണ് രോഗം ഇവിടെ റിപ്പോർട്ട് ചെയ്യാത്തതെന്ന് അദ്ദേഹം പറഞ്ഞു.
സാമ്പത്തിക പ്രതിസന്ധി മൂലം മത്സ്യത്തൊഴിലാളി കൂട്ടായ്മയ്ക്ക് ലഭ്യമായ പൊതു വല 5 ലക്ഷം രൂപയ്ക്ക് പണയം വച്ചിരിക്കുകയാണ്. ഇപ്പോൾ, മിക്ക കുടുംബങ്ങളും ബുദ്ധിമുട്ടുന്നു, അവരുടെ ദുരവസ്ഥ ബന്ധപ്പെട്ട അധികാരികളുടെ ശ്രദ്ധയിൽപ്പെടുത്താൻ കഴിയുന്നില്ലെന്നും അദ്ദേഹം പറഞ്ഞു.
ഓരോ കുടുംബത്തിനും 20 കിലോ സൗജന്യ അരി, അട്ട, എണ്ണ, പഞ്ചസാര, പയർ എന്നിവ സംസ്ഥാന സർക്കാർ സൗജന്യമായി നൽകിയിട്ടുണ്ടെന്ന് ലൈറ്റ് ഹൗസ് പഞ്ചായത്തിന് കീഴിലുള്ള ഗുനാങ്കുപ്പം ഗ്രാമത്തിലെ വനിതാ സ്വയം സഹായ സംഘത്തിന്റെ പ്രസിഡന്റ് ജി രാജാലക്ഷ്മി പറഞ്ഞു. എന്നാൽ, 20 കിലോ അരിയിൽ 5 കിലോ മാത്രമാണ് ഗുണനിലവാരമുള്ളത്. ബാക്കിയുള്ളവ വളരെ ഗുണനിലവാരമില്ലാത്തതായിരുന്നു. ഇവ ഉപയോഗിച്ച ആരോഗ്യപ്രശ്‌നങ്ങളെക്കുറിച്ച് പലരും പരാതി പറയുന്നുണ്ടെങ്കിലും അധികൃതരുടെ ശ്രദ്ധയിൽപ്പെടുത്തിയിട്ടും ഫലമുണ്ടായില്ല. ഒരു ഉദ്യോഗസ്ഥരും ഈ പ്രദേശം സന്ദർശിച്ചിട്ടില്ലെന്നും രാജലക്ഷ്മി പറഞ്ഞു.
ചെന്നൈ ജില്ലയിലെ മത്സ്യത്തൊഴിലാളികളിൽ നിന്ന് വ്യത്യസ്തമായി, ഫൈബ്രോട്ടുകൾ സ്വന്തമാക്കിയിട്ടുള്ളവരും മത്സ്യത്തെ പിടിക്കാൻ കടലിൽ ഇറങ്ങാൻ പ്രാപ്തിയുള്ളവരുമായ പഹാവെർകാടിലുള്ളവർ വീട്ടിൽ കഷ്ടപ്പെടുകയാണ്.