കോലഞ്ചേരി:സംസ്ഥാന യുവജനക്ഷേമ ബോർഡിന്റെ നേതൃത്വത്തിൽ പുത്തൻകുരിശ് പഞ്ചായത്തിൽ വിവിധയിനം കൃഷികൾക്ക് തുടക്കമായി. പഞ്ചായത്ത് യൂത്ത് കോ-ഓർഡിനേ​റ്ററുടെ നേതൃത്വത്തിലാണ് കൃഷി. ഒരേക്കർ പതിനഞ്ച് സെന്റ് സ്ഥലത്ത് നെല്ല്, വാഴ, കപ്പ, പയർ, കരിമീൻ ഉൾപ്പെടെയുള്ളവ കൃഷി ചെയ്യും. കെ.എസ്‌.കെ.ടി.യു ജില്ലാ സെക്രട്ടറി സി ബി ദേവദർശനൻ ഉദ്ഘാടനം ചെയ്തു. യൂത്ത് കോ ഓർഡിനേ​റ്റർ ലൈജു വർഗീസ്, സി.പി.എം ലോക്കൽ സെക്രട്ടറി പി.ടി അജിത്, മിനി സണ്ണി, വിഷ്ണു വിജയൻ, ജൂബിൾ ജോർജ്, മനു മോഹനൻ എന്നിവർ സംസാരിച്ചു.