ചെന്നൈ: തമിഴ്‌നാട്ടിലെ സർക്കാർ നടത്തുന്ന ടാസ്മാക് മദ്യവിൽപ്പന ശാലകളുടെ പ്രവർത്തന സമയം രണ്ട് മണിക്കൂർ നീട്ടി. മദ്യവിൽപ്പന ശാലകൾ വൈകിട്ട് 5 മണിക്ക് നു പകരം 7 മണി വരെ പ്രവർത്തിക്കും. കടകൾ രാവിലെ 10 ന് തുറക്കും. എന്നിരുന്നാലും, ഓരോ ഷോപ്പിലും ഉപഭോക്താക്കളുടെ എണ്ണത്തിന്റെ പരിധി - പ്രതിദിനം 500 - പ്രവൃത്തി സമയം നീട്ടുന്നതിനനുസരിച്ച് പരിഷ്കരിക്കുമോ എന്ന് വ്യക്തമല്ല. ഓരോ കടയിലും മണിക്കൂറിൽ 70 പേർക്ക് മദ്യം വിൽക്കുന്നതിനുള്ള പരിധി നൽകി ശനിയാഴ്ച കടകൾ വീണ്ടും തുറക്കാൻ സർക്കാർ ഉത്തരവിട്ടിരുന്നു.

ചെന്നൈയിലെയും തിരുവല്ലൂരിലെയും മദ്യവിൽപ്പന ശാലകൾ അടച്ചിട്ടിരിക്കുകയാണ്. ഗ്രേറ്റർ ചെന്നൈ പോലീസിന്റെ അധികാരപരിധിയിൽ വരുന്ന ചെംഗൽപേട്ട്, കാഞ്ചീപുരം ജില്ലകളുടെ അതിർത്തിയിലുള്ള കടകളും തുറന്നിട്ടില്ല. കൂടാതെ മാളുകൾ, ഷോപ്പിംഗ് കോംപ്ലക്സുകൾ, കൊവിഡ് -19 കണ്ടെയ്നർ സോണുകൾ എന്നിവയിലെ കടകൾ അടച്ചിട്ടിരിക്കുകയാണ്