പറവൂർ : പ്രളയബാധിതർക്കായി കേരള പ്രദേശ് കോൺഗ്രസ് കമ്മിറ്റി നിർമ്മിച്ചു നൽകുന്ന വീടിന്റെ താക്കോൽദാനം വി.ഡി. സതീശൻ എം.എൽ.എയും കെ.പി.സി.സി വൈസ് പ്രസിഡന്റ് കെ.പി. ധനപാലനും ചേർന്ന് നിർവഹിച്ചു. ചേന്ദമംഗലം പഞ്ചായത്തിലെ കുഞ്ഞുവരാതുരുത്ത് പുല്ലാർക്കാട്ട് ഷീജ പ്രസന്നന്റെ കുടുംബത്തിനാണ് വീട് നിർമ്മിച്ചുനൽകിയത്. ഡി.സി.സി സെക്രട്ടറി പി.വി. ലാജു, ബ്ളോക്ക് കോൺഗ്രസ് പ്രസിഡന്റുമാരായ പി.ആർ. സൈജൻ, എം.ജെ. രാജു, മണ്ഡലം കോൺഗ്രസ് പ്രസിഡന്റ് പി.എ. ഹരിദാസ്, കെ. ശിവശങ്കരൻ, ടി.എസ്. പങ്കജാക്ഷൻ, അഗസ്റ്റിൻ ആലപ്പാട്ട്, സാബു കൂട്ടുകാട് തുടങ്ങിയവർ പങ്കെടുത്തു.