നെടുമ്പാശേരി: പ്രവാസികളുമായി ലണ്ടനിൽ നിന്നെത്തിയ വിമാനത്തിലെ 186 യാത്രക്കാരിൽ 123 പേരെ വിവിധ ജില്ലകളിലെ കൊവിഡ് കെയർ സെന്ററുകളിലാക്കി. ബാക്കി 63 പേരെ വീടുകളിലും നിരീക്ഷണത്തിലാക്കി.

ഇന്നലെ രാവിലെ ലണ്ടൻ നിന്നും കൊച്ചിയിലെത്തിയ എ വൺ 130 വിമാനത്തിലെ യാത്രക്കാരിൽ 93 പേർ പുരുഷൻമാരും 93 പേർ സ്ത്രീകളുമാണ്. പത്ത് വയസിൽ താഴെയുള്ള ഒമ്പത് കുട്ടികളും 24 ഗർഭിണികളും മൂന്ന് മുതിർന്ന പൗരൻമാരുമുണ്ടായിരുന്നു. യാത്രക്കാരുടെ ജില്ല തിരിച്ചുള്ള കണക്ക്:

എറണാകുളം 38

തിരുവനന്തപുരം 25

തൃശ്ശൂർ 22

കോട്ടയം 22

കണ്ണൂർ 13

കോഴിക്കോട് 13, മലപ്പുറം 9, പാലക്കാട് 10, കൊല്ലം 8, ആലപ്പുഴ 8,

പത്തനംത്തിട്ട 7

വയനാട് 4

ഇടുക്കി 1

കാസർകോട് 1

മറ്റ് സംസ്ഥാനങ്ങൾ 5.

എറണാകുളം ജില്ലയിൽ നിന്നുള്ള 38 പേരിൽ 19 പേർ പുരുഷൻമാരും 19 പേർ സ്ത്രീകളുമാണ്. ഇതിൽ നാല് പേർ ഗർഭിണികളാണ്. 34 പേരെ വിവിധ കൊവിഡ് കെയർ സെന്ററുകളിലും നാല് പേരെ വീടുകളിലും നിരീക്ഷണത്തിലാക്കി.