പെരുമ്പാവൂർ : എസ്.എൻ.ഡി.പി യോഗം കുന്നത്തുനാട് യൂണിയനു കീഴിലുള്ള പോഷക സംഘടനകളുടെയും സജീവ പ്രവർത്തകരുടെയും ഐക്യവേദിയായ യൂണിയൻ ഏകോപന നേതൃസമിതിയുടെ ഗുരു കാരുണ്യം പദ്ധതിയുടെ ഒന്നാം ഘട്ട ഉദ്ഘാടനം യൂണിയൻ ഗുരുമണ്ഡപാങ്കണത്തിൽ യൂണിയൻ ചെയർമാൻ കെ.കെ കർണ്ണൻ നിർവഹിച്ചു.
കൊവിഡ് മൂലം കഷ്ടത അനുഭവിക്കുന്ന 1200 കുടുംബങ്ങൾക്ക് സൗജന്യ ഭക്ഷ്യധാന്യ കിറ്റുകൾ ആദ്യഘട്ടത്തിൽ വിതരണം ചെയ്തു. ലോക്ക് ഡൗൺ നിയന്ത്രണങ്ങൾ പാലിച്ചാണ് ഉദ്ഘാടന ചടങ്ങ് നടത്തിയത്. ചടങ്ങിൽ യൂണിയൻ കൺവീനർ സജിത് നാരായണൻ, യൂണിയൻ ഏകോപന നേതൃസമിതി ചെയർമാൻ അഡ്വ.ബിജു കർണ്ണൻ നിറപറ, ജനറൽ കൺവീനർ അഭിജിത്ത് ഉണ്ണികൃഷ്ണൻ, കെ.എം സജീവ്, സുകുമാരൻ അറയ്ക്കപ്പടി, ഗോപാലകൃഷ്ണൻ മാസ്റ്റർ,
സജാത് രാജൻ എന്നിവർ സംബന്ധിച്ചു.