കൊച്ചി: മുഖ്യമന്ത്രിയുടെ സഹായഹസ്തം വായ്പാ പദ്ധതി പ്രകാരമുള്ള വായ്പാ വിതരണം വെണ്ണല സഹകരണ ബാങ്കിൽ ആരംഭിച്ചു. 43-ാം ഡിവിഷനിലെ "അംഗന "കുടുംബശ്രീ അയൽക്കൂട്ടത്തിലെ 13 അംഗങ്ങൾക്ക് 10,000 രൂപ വീതം നൽകുന്നതിന് 1,30,000 രൂപ നിക്ഷേപി​ച്ച് പാസ് ബുക്ക് ബാങ്ക് പ്രസിഡെന്റ് അഡ്വ. എ.എൻ.സന്തോഷ് അയൽക്കൂട്ട ഭാരവാഹികളായ നിഷ്മോൾ മഹേഷിനും കലാഷാജിക്കും നൽകി പദ്ധതി ഉദ്ഘാടനം ചെയ്തു. ബാങ്ക് ഭരണസമിതിയംഗങ്ങളായ പി.ആർ.സാംബശിവൻ, കെ.ജി.സുരേന്ദ്രൻ, അസി.സെക്രട്ടറി ടി.എസ്.ഹരി, ബാങ്ക് പാലാരിവട്ടം ബ്രാഞ്ച് മാനേജർ എം.ടി. മിനി എന്നിവർ സംസാരിച്ചു.