കോതമംഗലം: പ്രകൃതിക്ഷോഭവുമായി ബന്ധപ്പെട്ട ദുരന്തനിവാരണ പ്രവർത്തനങ്ങൾക്കായി താലൂക്കിൽ ഇന്റർ എജൻസി ഗ്രൂപ്പ് രൂപീകരിച്ചു.ദുരന്തനിവാരണ പ്രവർത്തനങ്ങളിൽ സർക്കാർ സംവിധാനങ്ങൾക്കൊപ്പം ചേർന്ന് പ്രവർത്തിക്കുന്നതിന് വേണ്ടിയാണ് സന്നദ്ധ സംഘടനകളെ ഉൾപ്പെടുത്തി ഇന്റർ ഏജൻസി ഗ്രൂപ്പ് രപീകരിച്ചത്. 2018‌ - 19 വർഷങ്ങളിലെ പ്രളയത്തിൽ ഏർപ്പെട്ട സംഘടനകളെയാണ് ഇൻറർ ഏജൻസി ഗ്രൂപ്പിലേക്ക് തെരഞ്ഞെടുത്തിട്ടുള്ളത്. 24 സന്നദ്ധ സംഘടനകളുടെ പ്രതിനിധികമാണ് ആദ്യ യോഗത്തിൽ പങ്കെടുത്തത്.യോഗം ആന്റണി ജോൺ എം.എൽ.എ ഉദ്ഘാടനം ചെയ്തു. കാലവർഷത്തോടനുബന്ധിച്ച് ഉണ്ടായേക്കാവുന്ന് പ്രകൃതിദുരന്തങ്ങളിൽ രക്ഷാപ്രവർത്തനങ്ങൾ നടത്തുന്നതിനും ദുരിതാശ്വാസ ക്യാമ്പുകളിൽ അടിസ്ഥാന സൗകര്യം ഒരുക്കുന്നതിനും ഇന്റർ ഏജൻസി ഗ്രൂപ്പ് മുൻകൈ എടുക്കകണമെന്നും എം.എൽ.എ പറഞ്ഞു. തഹസിൽദാർ റേയ്ച്ചൽ കെ.വർഗീസ് ചടങ്ങിന് അദ്ധ്യക്ഷത വഹിച്ചു. സുനിൽ മാത്യു, ശോഭ ജോസ്, എം അനിൽകുമാർ തുടങ്ങിയവർ സംസാരിച്ചു.