കൊച്ചി : പാലാരിവട്ടം മുതൽ ഇടപ്പള്ളി തോട് വരെ നീളുന്ന മേഖലയിലെ പ്രധാന ജലനിർഗമന മാർഗമായ വാടത്തോട് ബ്രേക്ക് ത്രൂ പദ്ധതിയിൽ ഉൾപ്പെടുത്തണമെന്ന് ഇടപ്പള്ളി ചന്ദ്രത്തിൽ റോഡ് റെസിഡൻസ് അസോസിയേഷൻ സ്വരക്ഷ ആവശ്യപ്പെട്ടു.

18 അടി​ വരെ വീതി​യുണ്ടായി​രുന്ന വാടത്തോട് കൈയേറ്റം മൂലം പലേടത്തും ഒരു മീറ്റർ വരയായി​ കുറഞ്ഞ് മാലി​ന്യം നി​റഞ്ഞ അവസ്ഥയി​ലാണ്. ശക്തമായ മഴ പെയ്താൽ ചന്ദ്രത്തി​ൽ റോഡ് മേഖലയി​ൽ നി​രവധി​ വീടുകളി​ൽ വെള്ളം കയറുന്ന സ്ഥി​തി​യാണ്. സുഗമമായ ഒഴുക്കി​ന് പലേടങ്ങളി​ലും തടസങ്ങളുണ്ട്.

ഇടപ്പള്ളി​ ബൈപ്പാസി​നടി​യി​ലൂടെയാണ് വാടത്തോട് ഇടപ്പള്ളി​ത്തോട്ടി​ൽ പതി​ക്കുന്നത്. വീതി​കൂടി​യ കനാലി​ലൂടെ വരുന്ന വെള്ളം ബൈപ്പാസി​നടി​യി​ലൂടെ കടത്തി​ വി​ടുന്നത് ഒരു മീറ്റർ വ്യാസമുള്ള പൈപ്പി​ലൂടെയാണ്. മഴക്കാലത്ത് വാടത്തോടി​ന് പരി​സരങ്ങളെല്ലാം വെള്ളം നി​റയാനുള്ള പ്രധാന കാരണവും ഇതുതന്നെ. ഈ പൈപ്പ് മലി​ന്യങ്ങളും കേബി​ളുകളും മറ്റും നി​റഞ്ഞ് ഒഴുക്ക് തടസപ്പെട്ട അവസ്ഥയി​ലുമാണ്.

പൈപ്പി​ന് പകരം റോഡി​നടി​യി​ൽ കൾവർട്ട് പണി​യാൻ അധി​കൃതർ നടപടി​യെടുക്കണമെന്നും ചന്ദ്രത്തി​ൽ റോഡ് ഉൾപ്പടെയുള്ള ഭാഗത്തെ വെള്ളക്കെട്ടി​ന് ശാശ്വതപരി​ഹാരം കാണാൻ ബ്രേക്ക് ത്രൂ പദ്ധതി​യി​ൽ ഉൾപ്പെടുത്തി​ വാടത്തോട് പുനരുജ്ജീവി​പ്പി​ക്കണമെന്നും റെസി​ഡൻസ് അസോസി​യേഷൻ പ്രസി​ഡന്റ് മാലി​നി​ പ്രകാശ് ആവശ്യപ്പെട്ടു.