കോതമംഗലം: കൊവിഡ് സാംപിൾ കളക്ഷൻ യൂണിറ്റ് താലൂക്ക് ആശുപത്രിയിൽ ആരംഭിക്കുമെന്ന് ആന്റണി ജോൺ എം എൽ എ അറിയിച്ചു. താലൂക്കിൽ മൂന്ന് സർക്കാർ ക്വറന്റൈൻ കേന്ദ്രങ്ങളിലും വീടുകളിലുമായി നിരവധി പേർ നിരീക്ഷണത്തിൽ കഴിയുന്നുണ്ട്. ഇവരുൾപ്പടെ രോഗലക്ഷണമുള്ള ആളുകളുടെ സ്രവം ശേഖരിച്ച് കളമശേരി മെഡിക്കൽ കോളേജിൽ എത്തിച്ചാണ് പരിശോധനകൾ നടത്തുന്നനത്. ഇതിനാവശ്യമായിട്ടുള്ള വിസ്കും അനുബന്ധ സാമഗ്രികളും താലൂക്ക് ആശുപത്രിയിൽ ലഭ്യമാക്കിയിട്ടുണ്ട്. കൊവിഡ് സാംപിൾ കളക്ഷൻ യൂണിറ്റ് പ്രരവർത്തനസജ്ജമാക്കുന്നതിന് വേണ്ടിയുള്ള ക്രമീകരണങ്ങൾ നടന്നുവരുന്നതായും എത്രയും വേഗത്തിൽ യൂണിറ്റിന്റെ പ്രവർത്തനം ആരംഭിക്കുമെന്നും എം എൽ എ പറഞ്ഞു.