കൊച്ചി: കൊവിഡ് വന്നത്തിന് ശേഷം നമ്മുടെ ജീവിതത്തിൽ ഉണ്ടായ മാറ്റങ്ങൾ പലതാണ്.നമ്മുടെ നിത്യ ജീവിതത്തില്‍ നിരവധി മാറ്റം വരുത്താൻ വൈറസ് വ്യാപനത്തിന് സാധിച്ചു.ഹാന്‍ഡ് വാഷും സാനിറ്റൈസറും മാസ്‌കും മുതല്‍ സാമൂഹ്യ അകലവും അനാവശ്യ കൂട്ടം ചേരലുകള്‍ ഒഴിവാക്കിയിരിക്കുന്നതും എല്ലാം നമ്മുടെ നിത്യജീവിതത്തിന്റെ ഭാഗമായി മാറി.
കടകളും റസ്റ്ററന്റുകളും ഒന്നും ദിവസങ്ങളോളം തുറന്ന് പ്രവര്‍ത്തിച്ചില്ലെങ്കിലും അതുമായി പൊരുത്തപ്പെടാനും നമ്മള്‍ പഠിച്ചു കഴിഞ്ഞു.ഈ മാറ്റങ്ങളെല്ലാം ഉൾകൊണ്ട് ബിസിനസുകാരും തങ്ങളുടെ മേഖലയിൽ മാറ്റം വരുത്താനും പുതിയ ആകർഷകമായി ആശയങ്ങളും കൊണ്ട് വരാനും ശ്രമിക്കുന്നുണ്ട്.
ചുരുക്കം ചില ബിസിനസുകള്‍ക്ക് കൊവിഡ് നല്ല കാലമായിരുന്നുവെങ്കിലും മിക്ക ബിസിനസുകളും തകര്‍ച്ചയിലായി.ആഗോള ഫാസ്റ്റ് ഫൂഡ് കമ്പനിയായ മക് ഡൊണാള്‍ഡ്‌സാണ് ബിസിനസില്‍ ശ്രദ്ധേയമായ ഒരു മാറ്റം കൊണ്ടു വന്നിരിക്കുന്നത്. കോണ്‍ടാക്ട് ലെസ് പാഴ്‌സല്‍ വിതരണം ആണ് മക് ഡൊണാള്‍ഡ്‌സിന്റെ പുതിയ ആശയം.മക് ഡൊണാള്‍ഡ് ഔട്ട് ലെറ്റുകളുടെ പ്രവര്‍ത്തനച്ചുമതലയുള്ള വെസ്റ്റ് ലൈഫ് ഡെവലപ്‌മെന്റ് എന്ന കമ്പനിയാണ് ഇന്ത്യയില്‍ കോണ്‍ടാക്ട് ലെസ് സേവനങ്ങള്‍ അവതരിപ്പിക്കുന്നത്.
ദക്ഷിണേന്ത്യയില്‍ ഉള്‍പ്പെടെ ഔട്ട്‌ലെറ്റുകളില്‍ എത്തി ഭക്ഷണം വീടുകളില്‍ പാഴ്‌സലായി കൊണ്ടു പോകാം.മക് ഡെലിവറി ആപ്പ് വഴി ഓണ്‍ലൈനായി ഭക്ഷണം ഓര്‍ഡര്‍ ചെയ്ത് ബില്‍ നല്‍കി കൗണ്ടറുകളില്‍ നിന്ന് പാഴ്‌സല്‍ കൊണ്ടു പോകാം.കൊവിഡിന്റെ പശ്ചാത്തലത്തില്‍ ആണ് നീക്കം.രാജ്യത്ത് ആദ്യമായി കോണ്‍ടാക്ട് ലെസ് ഡെലിവറി ആരംഭിയ്ക്കുന്നത് മക് ഡൊണാള്‍ഡ്‌സ് ആണ്.