ഇടുക്കി : ജില്ലയിൽ ജൂനിയർ ഹെൽത്ത് ഇൻസ്‌പെക്ടർ ഗ്രേഡ്2 തസ്തികയിൽ പി.എസ്.സി റാങ്ക് പട്ടിക നിലവിൽ ഇല്ലാത്ത സാഹചര്യത്തിൽ കൊവിഡ്19 രോഗബാധയെ തുടർന്ന് ഉണ്ടായിരിക്കുന്ന അടിയന്തര സാഹചര്യം തരണം ചെയ്യുന്നതിലേക്കായി നിലവിലുള്ള ഒൻപത് ഒഴിവുകളിലേക്ക് താൽക്കാലിക നിയമനം നടത്തുന്നതിന് ജില്ലാ മെഡിക്കൽ ഓഫീസിൽ ശനിയാഴ്ച്ച രാവിലെ 10 മുതൽ നേരിട്ടുള്ള അഭിമുഖം നടത്തും. എസ്.എസ്.എൽ.സി, ഡിപ്ലോമ ഇൻ ഹെൽത്ത് ഇൻസ്‌പെക്ടർ കോഴ്‌സ്, കേരള പാരാമെഡിക്കൽ കൗൺസിൽ രജിസ്‌ട്രേഷൻ സർട്ടിഫിക്കറ്റ് എന്നിവയാണ് യോഗ്യത. നിശ്ചിത യോഗ്യതയുള്ള 40 ൽ താഴെ പ്രായമുള്ള ഉദ്യോഗാർത്ഥികൾ അന്നേ ദിവസം അസ്സൽ സർട്ടിഫിക്കറ്റുകൾ സഹിതം ഹാജരാകണം.