കുമളി: സർക്കാർ നൽകിയ ഓൺലൈൻ പാസ് മുഖേന കുമളി ചെക് പോസ്റ്റു വഴി അന്യ സംസ്ഥാനങ്ങളിൽ നിന്ന് ഇന്നലെ കേരളത്തിലെത്തിയത് 220 പേർ. 105 പുരുഷൻമാരും 100 സ്ത്രീകളും 15 കുട്ടികളുമാണ് സ്വന്തം നാട്ടിലെത്തിച്ചേർന്നത്. തമിഴ്‌നാട്​- 189, മഹാരാഷ്ട്ര- 4, കർണ്ണാടകം- 18, ഡൽഹി- 9 എന്നിങ്ങനെയാണ് എത്തിച്ചേർന്നവരുടെ- എണ്ണം. ഇതിൽ 59 പേർ ഇടുക്കി ജില്ലയിലേയ്ക്ക് ഉള്ളവരാണ്. റെഡ് സോണുകളിൽ നിന്നെത്തിയ 188 പേരെ അതത് ജില്ലകളിൽ ക്രമീകരിച്ചിട്ടുള്ള നിരീക്ഷണ കേന്ദ്രങ്ങളിലേയ്ക്കാണ് അയച്ചത്. ബാക്കിയുള്ള 32 പേരെ കർശന ഉപാധികളോടെ വീട്ടിൽ നിരീക്ഷണത്തിലാകാൻ നിർദേശിച്ച് വീടുകളിലേയ്ക്ക് അയച്ചു.