ചെറുതോണി: എസ് എൻ ഡി പി വനിതാസംഘത്തിന്റെ നേതൃത്വത്തിൽ നിർമ്മിച്ച മാസ്‌കുകൾ ജില്ലാ കളക്ടർ എച്ച് ദിനേശന് കൈമാറി. ഇടുക്കി, കട്ടപ്പന, അടിമാലി, തൊടുപുഴ, രാജാക്കാട്, നെടുംങ്കണ്ടം, പീരുമേട് യൂണിയനുകളുടെ നേതൃത്വത്തിൽ 2500 മാസ്‌കുകളാണ് ജില്ലാ കളക്ടറെ ഏൽപ്പിച്ചത്. കളക്‌ട്രേറ്റിൽ നടന്ന ചടങ്ങിൽ വനിതാ സംഘം ഇടുക്കി യൂണിയൻ പ്രസിഡന്റ് വൽസമ്മ ടീച്ചർ, വനിതാസംഘം അടിമാലി യൂണിയൻ പ്രസിഡന്റ് കമലകുമാരി ബാബു സെക്രട്ടറി ജെസ്സി ഷാജി, വനിതാസംഘം പീരുമേട് യൂണിയൻ സെക്രട്ടറി ലത, ഇടുക്കി എസ്. എൻ. ഡി. പി യൂണിയൻ സെക്രട്ടറി സുരേഷ് കോട്ടയ്ക്കകത്ത്, അടിമാലി യൂണിയൻ സെക്രട്ടറി ജയൻ കല്ലാർ എന്നിവർ പങ്കെടുത്തു.