കുമളി: ഓൺലൈൻ പാസ് മുഖേന കുമളി ചെക്ക് പോസ്റ്റു വഴി ഇതര സംസ്ഥാനങ്ങളിൽ നിന്നും ഇന്നലെ 437 പേർ കേരളത്തിലെത്തി. 228 പുരുഷൻമാരും 168 സ്ത്രീകളും 41 കുട്ടികളുമാണ് നാട്ടിലെത്തിച്ചേർന്നത്. തമിഴ്‌നാട് 327, മഹാരാഷ്ട്ര 6, കർണ്ണാടക 84, തെലുങ്കാന 4, പഞ്ചാബ് 1, ഹരിയാന 4, ഗുജറാത്ത് 2, പോണ്ടിച്ചേരി 9 എന്നിങ്ങനെയാണ് എത്തിച്ചേർന്നവരുടെ എണ്ണം. ഇതിൽ ഇടുക്കി ജില്ലയിലേയ്ക്ക് എത്തിയ 149 പേരിൽ 12 പേരെ കോവിഡ് കെയർ സെന്ററിൽ പാർപ്പിച്ചു. ഇതര ജില്ലകളിലേയ്ക്ക് പോകുന്നവരിൽ, റെഡ് സോണുകളിൽ നിന്നെത്തിയ 47 പേരെ അതത് ജില്ലകളിൽ ക്രമീകരിച്ചിട്ടുള്ള നിരീക്ഷണ കേന്ദ്രങ്ങളിലേയ്ക്കാണ് അയച്ചത്. ബാക്കിയുള്ള 390 പേരെ കർശന ഉപാധികളോടെ ഹോം ക്വാറന്റെയിൻ നിർദേശിച്ച് വീടുകളിലേയ്ക്ക് അയച്ചു.