തൊടുപുഴ: പുതിയ വാഹനങ്ങളുടെ രജിസ്‌ട്രേഷൻ, ഫിറ്റ്‌നസ് പരിശോധന, രജിസ്‌ട്രേഷൻ പുതുക്കൽ, ആൾട്ടറേഷൻ എന്നിവ 18 മുതൽ പുനരാരംഭിക്കുമെന്ന് തൊടുപുഴ ജോയിന്റ് ആർ.ടി.ഒ അറിയിച്ചു. മോട്ടോർ വാഹന വകുപ്പിന്റെ mvd.kerala.gov.in എന്ന വെബ്‌സൈറ്റ് വഴി ലഭിക്കുന്ന ഇ- ടോക്കൺ മുഖേന കൊവിഡ്- 19 പ്രതിരോധ സുരക്ഷാ മാനദണ്ഡങ്ങൾക്ക് അനുസൃതമായി നിയന്ത്രണങ്ങളോടെയായിരിക്കും സേവനങ്ങൾ നൽകുന്നത്. അപേക്ഷകൾ ഇ- ടോക്കണിൽ ലഭ്യമായ തീയതിക്ക് അനുസൃതമായി വാഹനങ്ങൾ പരിശോധനയ്ക്ക് ഹാജരാക്കണം.