ഇടുക്കി: ജില്ലയിൽ ജൂനിയർ പബ്ലിക് ഹെൽത്ത് നഴ്‌സ് ഗ്രേഡ്2 തസ്തികയിൽ ആറ് ഒഴിവുകളിലേക്ക് താൽക്കാലികമായി നിയമനം നടത്തുന്നതിന് പൈനാവ് സിവിൽ സ്റ്റേഷനിലെ ജില്ലാ മെഡിക്കൽ ഓഫീസിൽ 19 ന് രാവിലെ 10 മുതൽ അഭിമുഖം നടത്തും. എസ്.എസ്.എൽ.സി, കേരള രജിസ്‌ട്രേഷനോടു കൂടിയ ഓക്‌സിലറി നഴ്‌സ് ആന്റ് മിഡ് വൈഫറി സർട്ടിഫിക്കറ്റ് (എഎൻഎം) എന്നിവയാണ് വിദ്യാഭ്യാസ യോഗ്യത. ജിഎൻഎം/ബിഎസ്.സി നഴ്‌സിംഗ് യോഗ്യതയുള്ളവർ അഭിമുഖത്തിൽ പങ്കെടുക്കേണ്ടതില്ല. പ്രായപരിധി 45 വയസ്സിൽ താഴെ. ഉദ്യോഗാർത്ഥികൾ അന്നേ ദിവസം അസ്സൽ സർട്ടിഫിക്കറ്റുകൾ സഹിതം നേരിട്ട് ഹാജരാകണം.