തൊടുപുഴ: ഇൻസ്റ്റിറ്റിറ്റ്യൂട്ട് ഓഫ് ഹ്യുമൻ റിസോഴ്‌സസ് ഡവലപ്‌മെന്റിന്റെ കീഴിൽ എറണാകുളം ജില്ലയിൽ കലൂരിലും (04842347132), കപ്രാശ്ശേരിയിലും (ചെങ്ങമനാട്, 04842604116), മലപ്പുറം ജില്ലയിൽ വാഴക്കാട് (04832725215), വട്ടംകുളം (04942681498), പെരിന്തൽമണ്ണ (04933225086) എന്നിവിടങ്ങളിലും കോട്ടയം ജില്ലയിൽ പുതുപ്പള്ളി (04812351485), ഇടുക്കി ജില്ലയിൽ പീരുമേട് (04869233982), തൊടുപുഴ (മുട്ടം, 04862255755) എന്നിവിടങ്ങളിലും പത്തനംതിട്ട ജില്ലയിൽ മല്ലപ്പള്ളി (04692680574)യിലും പ്രവർത്തിക്കുന്ന ടെക്‌നിക്കൽ ഹയർസെക്കന്ററി സ്‌കൂളുകളിൽ പുതിയ അദ്ധ്യയനവർഷത്തിൽ എട്ടാം ക്ലാസ്സ് പ്രവേശനത്തിന് ഓൺലൈൻ അപേക്ഷ ക്ഷണിച്ചു. അപേക്ഷകൻ 2006 ജൂൺ ഒന്നിനും 2008മേയ് 31 നും ഇടയ്ക്ക് ജനിച്ചവരായിരിക്കണം. ഏഴാം ക്ലാസ്സോ തത്തുല്യ പരീക്ഷയോ പാസ്സായവർക്കും പരീക്ഷാഫലം കാത്തിരിക്കുന്നവർക്കും അപേക്ഷിക്കാം. അപേക്ഷ ihrd.kerala.gov.in/thss വെബ്‌സൈറ്റ് മുഖേന സമർപ്പിക്കാം. രജിസ്‌ട്രേഷൻ ഫീസ് 110 രൂപ (എസ്.സി/എസ്.റ്റി വിദ്യാർത്ഥികൾക്ക് 55 രൂപ) അപേക്ഷിക്കാൻ ഉദ്ദേശിക്കുന്ന സ്‌കൂളിന്റെ ബാങ്ക് അക്കൗണ്ടിൽ പണമടച്ചതിന്റെ വിശദാംശങ്ങൾ ഓൺലൈൻ പോർട്ടലിൽ രേഖപ്പെടുത്തണം. അപേക്ഷാ ഫീസ് സ്‌കൂൾ ഓഫീസിൽ പണമായോ പ്രിൻസിപ്പലിന്റെ പേരിൽ മാറാവുന്ന ഡി.ഡി ആയോ നൽകണം. പ്രോസ്‌പെക്ടസ്സ് ഇതേ വെബ്‌സൈറ്റിൽ ലഭ്യമാണ്. അപേക്ഷ ഓൺലൈനായി മേയ് 18 മുതൽ മേയ് 26 വൈകുന്നേരം 4 മണി വരെ സമർപ്പിക്കാം.