കുമളി: ഓൺലൈൻ പാസ് മുഖേന കുമളി ചെക്ക് പോസ്റ്റു വഴി ഇതര സംസ്ഥാനങ്ങളിൽ നിന്നും ഇന്നലെ 477 പേർ കേരളത്തിലെത്തി.
244 പുരുഷൻമാരും 198 സ്ത്രീകളും 35 കുട്ടികളുമാണ് എത്തിയത്. തമിഴ്‌നാട് 275, മഹാരാഷ്ട്ര 11, കർണ്ണാടക 120, തെലുങ്കാന 32, ആന്ധ്രപ്രദേശ് 31, രാജസ്ഥാൻ 3 പഞ്ചാബ് 1, ഹരിയാന 4, ഗുജറാത്ത് 5, എന്നിങ്ങനെയാണ് എത്തിച്ചേർന്നവരുടെ എണ്ണം. ഇതിൽ ഇടുക്കി ജില്ലയിലേയ്ക്ക് എത്തിയ 178 പേരിൽ 19 പേരെ കൊവിഡ് കെയർ സെന്ററിൽ പാർപ്പിച്ചു. റെഡ് സോണുകളിൽ നിന്നെത്തിയ 66 പേരെ അതത് ജില്ലകളിൽ ക്രമീകരിച്ചിട്ടുള്ള നിരീക്ഷണ കേന്ദ്രങ്ങളിലേയ്ക്കാണ് അയച്ചത്. ബാക്കിയുള്ള 411 പേരെ കർശന ഉപാധികളോടെ ഹോം ക്വാറന്റെയിൻ നിർദേശിച്ച് വീടുകളിലേയ്ക്ക് അയച്ചു.