വഴിത്തല : കൊവിഡ് പ്രതിരോധ പ്രവർത്തനങ്ങളിൽ പങ്കുചേർന്ന് വഴിത്തല സെന്റ് സെബാസ്റ്റ്യൻസ് ഹയർ സെക്കൻഡറി സ്‌കൂളിലെ സ്‌കൗട്ട് ആന്റ് ഗൈഡ്, എൻ.എസ്.എസ്. അംഗങ്ങൾ മാസ്‌ക്കുകൾ വിതരണം ചെയ്തു.
ലോക്ഡൗൺ കാലത്ത് വിദ്യാർത്ഥികൾ വീടുകളിൽ ഇരുന്ന് തയ്യാറാക്കിയ മാസ്‌ക്കുകൾ കടകളിലും വഴിയാത്രക്കാർക്കും വിതരണം ചെയ്തു. സ്‌കൂൾ തുറക്കുമ്പോൾ വിദ്യാർത്ഥികൾക്കും, അദ്ധ്യാപകർക്കും, ജീവനക്കാർക്കും ആവശ്യമായ മാസ്‌ക്കുകൾ സ്‌കൂൾ പ്രിൻസിപ്പലിന് കൈമാറി.
മാസ്‌ക് വിതരണോദ്ഘാടനം സ്‌കൂൾ പ്രിൻസിപ്പാൽ മാത്യു എം. മാത്യു നിർവ്വഹിച്ചു. സ്‌കൗട്ട് മാസ്റ്റർ മഞ്ചേഷ് ജോസഫ്, ഗൈഡ് ക്യാപ്റ്റൻ സുജ ജോർജ്, എൻ.എസ്.എസ്. പ്രോഗ്രാം കോ-ഓർഡിനേറ്റർ ആനി മാത്യു എന്നിവർ നേതൃത്വം നൽകി.