ഇടുക്കി: സംസ്ഥാന സർക്കാർ നൽകിയ ഓൺലൈൻ പാസ് മുഖേന കുമളി ചെക്പോസ്റ്റു വഴി അന്യസംസ്ഥാനങ്ങളിൽ നിന്ന് ഇന്നലെ കേരളത്തിലെത്തിയത് 305 പേർ. 173 പുരുഷൻമാരും 107 സ്ത്രീകളും 25 കുട്ടികളുമാണ് നാട്ടിലെത്തിച്ചേർന്നത്. തമിഴ്‌നാട്- 173, കർണ്ണാടക- 69, മഹാരാഷ്ട്ര- 13, ആന്ധ്രപ്രദേശ്- 16, ഉത്തർപ്രദേശ്- 10, തെലുങ്കാന- 1, ഗുജറാത്ത്- 1, ഒഡീഷ- 22 എന്നിങ്ങനെയാണ് എത്തിച്ചേർന്നവരുടെ എണ്ണം. ഇതിൽ 106 പേർ ഇടുക്കി ജില്ലയിലേക്കെത്തിയവരാണ്. റെഡ് സോണുകളിൽ നിന്നെത്തിയ 45 പേരെ അതത് ജില്ലകളിൽ ക്രമീകരിച്ചിട്ടുള്ള നിരീക്ഷണ കേന്ദ്രങ്ങളിലേയ്ക്കാണ് അയച്ചത്. ബാക്കിയുള്ള 260 പേരെ കർശന ഉപാധികളോടെ ഹോം ക്വാറന്റെയിൻ നിർദേശിച്ച് വീടുകളിലേയ്ക്ക് അയച്ചു.