കണ്ണൂർ:കൊവിഡ് 19 നിയന്ത്രണത്തിന്റെ ഭാഗമായ് സംസ്ഥാനത്ത് ഞായറാഴ്ച്ച ഏർപ്പെടുത്തിയ സമ്പൂർണ്ണ ലോക്ക് ഡൗൺ കണ്ണൂർ ജില്ലയിൽ പൂർണ്ണം. അവശ്യ സർവ്വീസുകൾ മാത്രമാണ് ഇന്നലെ പ്രവർത്തിച്ചത്. നഗരങ്ങളിൽ കട മ്പോളങ്ങൾ പൂർണ്ണമായി അടഞ്ഞു കിടന്നെങ്കിലും ചില ഗ്രാമ പ്രദേശങ്ങളിലെ കടകൾ തുറന്നു പ്രവർത്തിച്ചു.മറ്റ് ദിവസങ്ങളെ അപേക്ഷിച്ച് ഇന്നലെ വലിയ ശതമാനം വാഹനങ്ങൾ നിരത്തിലിറങ്ങിയില്ല.

സമ്പൂർണ്ണ ലോക്ഡൗണിനെ തുടർന്ന് ജില്ലയില വിവിധ ഭാഗങ്ങളിൽ പൊലീസ് കർശ്ശന പരിശോധനയാണ് ഇന്നലെ ഏർപ്പെടുത്തിയത് . ഹോട്ടലുകൾക്ക് പാർസൽ സർവീസ് നടത്താൻ അനുമതി നൽകിയത് പലർക്കും ആശ്വാസമായി . ആശുപത്രി, ലാബ്, മെഡിക്കൽ സ്റ്റോറുകൾ,ആരോഗ്യവകുപ്പ് ,മാലിന്യ നിർമ്മാർജ്ജന ജീവനക്കാർ ,മാദ്ധ്യമപ്രവർത്തകർ എന്നീ വിഭാഗങ്ങൾക്ക് മാത്രമാണ് ഞായറാഴ്ചകളിൽ പ്രവർത്തിക്കാൻ അനുമതി നൽകിയിരുന്നത്.