കണ്ണൂർ: കണ്ണൂർ ജില്ലക്കാരനായ ഒരാൾക്കു കൂടി കൊവിഡ് ബാധ സ്ഥിരീകരിച്ചു. വയനാട് ജോലിചെയ്ത് വരുന്ന പൊലീസ് ഉദ്യോഗസ്ഥനാണ് രോഗബാധ സ്ഥിരീകരിച്ചത്. 42കാരനായ ഇദ്ദേഹം വയനാട്ടിലെ ഒരു പൊലീസ് സ്റ്റേഷനിലാണ് ജോലിചെയ്യുന്നത്. കേളകം സ്വദേശിയാണ്.
ചെന്നൈയിൽ നിന്നും വന്ന ട്രക്ക് ഡ്രൈവറിലൂടെയാണ് രോഗബാധയുണ്ടായത്. ഈ ഡ്രൈവറുമായി സമ്പർക്കമുണ്ടായിരുന്ന വ്യക്തി ഈ പൊലീസ് സ്റ്റേഷനിൽ എത്തിയിരുന്നു. ഇയാൾക്ക് മേയ് 10 ന് കൊവിഡ് പരിശോധന പോസിറ്റീവ് ആയിരുന്നു.