കണ്ണൂർ: ജില്ലയിൽ 17 വരെ ഹോട്ട് സ്‌പോട്ട് പ്രദേശങ്ങൾ ഒഴികെയുള്ള ലോക്ക്ഡൗൺ നിയന്ത്രണങ്ങളിൽ ഇളവ്. പഞ്ചായത്തുകളിലെ അവശ്യ സാധനങ്ങൾ വിൽക്കുന്ന കടകൾ (നോമ്പ് തുറക്കുള്ള വിഭവങ്ങൾ ഉൾപ്പെടെയുള്ളവ) തുറന്ന് പ്രവർത്തിക്കാം. ഒരു വാർഡിൽ ഒരേ വിഭാഗത്തിൽ രണ്ടിലധികം കടകൾ ഉണ്ടെങ്കിൽ എല്ലാ കടകളും ഒരുമിച്ചു തുറക്കാൻ പാടില്ല. വളം, കീടനാശിനി, കാർഷിക ഉപകരണങ്ങൾ എന്നിവ വിൽക്കുന്ന കടകളും കാർഷിക ഉത്പന്നങ്ങൾ ശേഖരിക്കുന്ന കടകളും മേൽ മാനദണ്ഡം പാലിച്ച് തുറന്ന് പ്രവർത്തിക്കാം. കടകളുടെ പ്രവർത്തന സമയം രാവിലെ 11 മണി മുതൽ വൈകുന്നേരം നാല് മണി വരെയാണ്. ആഴ്ചയിൽ പരമാവധി മൂന്നു ദിവസം മാത്രമേ കടകൾ തുറക്കാൻ പാടുള്ളൂ.
മുനിസിപ്പാലിറ്റി, കോർപ്പറേഷൻ പരിധിയിലുള്ള മാർക്കറ്റുകളിൽ അവശ്യ സാധനങ്ങൾ വിൽക്കുന്ന കടകൾ (നോമ്പ് തുറക്കുള്ള വിഭവങ്ങൾ ഉൾപ്പെടെയുള്ളവ) മൊത്ത കച്ചവട സ്ഥാപനങ്ങളും പ്രവർത്തിക്കാം. വളം, കീടനാശിനി കാർഷിക ഉപകരണങ്ങൾ എന്നിവ വിൽക്കുന്ന കടകളും കാർഷിക ഉൽപന്നങ്ങൾ ശേഖരിക്കുന്ന കടകളും മേൽ മാനദണ്ഡം പാലിച്ച് തുറന്ന് പ്രവർത്തിക്കാം. പ്രവർത്തന സമയം രാവിലെ 11 മണി മുതൽ വൈകുന്നേരം നാല് മണി വരെ. ഒരു കട ആഴ്ചയിൽ പരമാവധി രണ്ട് ദിവസം മാത്രമേ തുറക്കാൻ പാടുള്ളൂ. ഇവയുടെ പ്രവർത്തനം സംബന്ധിച്ച ദിനക്രമം ബന്ധപ്പെട്ട തദ്ദേശസ്വയം ഭരണ സ്ഥാപനത്തിലെ സെക്രട്ടറിമാർ നിർദേശിക്കേണ്ടതാണ്.
17ന് സാഹചര്യം വിശദമായി പരിശോധിച്ച് പുതുക്കിയ ഉത്തരവ് ഇറക്കുമെന്നും ജില്ലാ കളക്ടർ അറിയിച്ചു.
ബാങ്കുകൾ
സാധാരണ ബാങ്കുകൾ രാവിലെ 11 മണി മുതൽ വൈകിട്ട് മൂന്ന് മണി വരെയും സഹകരണ ബാങ്കുകൾ രാവിലെ 10 മണി മുതൽ വൈകിട്ട് രണ്ട് മണി വരെയും തുറന്ന് പ്രവർത്തിക്കാം.
കാർഷിക മേഖല
തൊഴിലാളികളിൽ അധികരിക്കാത്ത എല്ലാ കാർഷിക പ്രവൃത്തികളും (കാർഷിക നഴ്‌സറികൾ ഉൾപ്പെടെ) ചെയ്യാം.
നിർമ്മാണ പ്രവൃത്തികൾ
തൊഴിലാളികളിൽ അധികരിക്കാത്ത വീട് നിർമ്മാണം, അറ്റകുറ്റപ്പണികൾ, കിണർ നിർമ്മാണം, ശൗചാലയ നിർമ്മാണം. മഴക്കാല പൂർവ്വ ശുചീകരണം, ഓവുചാൽ നിർമ്മാണം, റോഡ് നിർമ്മാണ പ്രവൃത്തികൾ എന്നിവ നടത്താം. നിർമ്മാണ സാമഗ്രകൾ വിൽപ്പന കടകൾ ഹോട്‌സ്‌പോട്ടുകൾ ഒഴികെ രാവിലെ 11 മണി മുതൽ വൈകിട്ട് നാല് മണി വരെ തുറന്ന് പ്രവർത്തിക്കാം.
വ്യവസായ സ്ഥാപനങ്ങൾ
തൊഴിലാളികളിൽ അധികരിക്കാതെ ചെറുകിട വ്യവസായ സ്ഥാപനങ്ങൾ തുറന്ന് പ്രവർത്തിക്കാം. അഞ്ചിൽ കുൂടുതൽ തൊഴിലാളികൾ പണിയെടുക്കേണ്ട വ്യവസായ ശാലകൾ ജില്ലാ കളക്ടറുടെ പ്രത്യേക അനുവാദം വാങ്ങിക്കണം.
തോട്ടം മേഖല
വിളവെടുപ്പും അനുബന്ധ പ്രവൃത്തികളും അഞ്ച് പേരിൽ അധികരിക്കാതെ കൊവിഡ് 19 മാർഗ്ഗ നിർദ്ദേശങ്ങൾ അനുസരിച്ച് നടത്താം.
ഇ-കോമേഴ്‌സ്
അത്യാവശ്യ സാധനങ്ങൾ മാത്രം വിതരണം ചെയ്യാം.