കാഞ്ഞങ്ങാട്: മടിക്കൈ സ്വദേശി സി. കുഞ്ഞാമു (53) അബുദാബിയിൽ കൊവിഡ് 19 ബാധിച്ച് മരിച്ചു. രോഗം സ്ഥിരീകരിച്ചതിനെ തുടർന്ന് കഴിഞ്ഞ മൂന്നു ദിവസമായി മഫ്റഖ് ആശുപത്രി വെന്റിലേറ്ററിലായിരുന്നു. അബുദാബി ബനിയാസിൽ ഗ്രോസറി നടത്തുന്ന കുഞ്ഞാമു കടയുടെ ലൈസൻ പുതുക്കുന്നതുമായി ബന്ധപ്പെട്ട് രണ്ടു മാസം മുമ്പാണ് അബുദാബിയിലേക്ക് പോയത്. പനിയെ തുടർന്ന് ആശുപത്രിയിലായ ഇദ്ദേഹം ഇന്നലെ രാത്രി 12 മണിയോടെയാണ് മരിച്ചത്. പരേതനായ വെള്ളച്ചേരി മമ്മുഞ്ഞിയുടെ മകനാണ്.

മാതാവ്: കുഞ്ഞാമി. കാഞ്ഞങ്ങാട് മുസ്ലീം ജമാഅത്ത് ക്ഷേമകാര്യ സെക്രട്ടറി മൂസ പടന്നക്കാട്, മജീദ്, സമദ്, സുബൈദ, സീനത്ത്, സഫിയ, പരേതയായ ഫാത്തിമ എന്നിവർ സഹോദരങ്ങൾ. ആറങ്ങാടി കൂളിയങ്കാൽ സ്വദേശിനി സീനത്താണ് ഭാര്യ. ബി.ഫാം വിദ്യാർത്ഥിനി ശഹർബാന, പ്ലസ് ടു വിദ്യാർത്ഥിനി ശർമില എട്ടാം തരത്തിൽ പഠിക്കുന്ന ഷഹല എന്നിവർ മക്കളാണ്. മൃതദേഹം രാവിലെ 9 ന് അടുത്ത രണ്ട് ബന്ധുക്കളുടെ സാനിദ്ധ്യത്തിൽ ബനിയാസ് ഖബർസ്ഥാനിൽ മറവു ചെയ്തു.