കാസർകോട്: ജില്ലയിൽ ഇന്നലെ ഒരാൾക്കു കൂടി കൊ വിഡ് 19 സ്ഥിരീകരിച്ചു. മേയ് 18 ന് ദുബായിൽ നിന്ന് വന്ന് പരിയാരം ഗവൺമെന്റ് മെഡിക്കൽ കോളേജിൽ ചികിത്സയിൽ കഴിയുന്ന 41 വയസുള്ള ചെങ്കള സ്വദേശിക്കാണ് കൊവിഡ് ബാധ സ്ഥിരീകരിച്ചത്. ഇതോടെ ജില്ലയിൽ രോഗം സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 19 ആയി.
ജില്ലയിൽ ആകെ നിരീക്ഷണത്തിൽ ഉള്ളത് 2460 പേരാണ്. ഇതിൽ വീടുകളിൽ 2007 പേരും ആശുപത്രികളിൽ 453 പേരുമാണ് നിരീക്ഷണത്തിലുള്ളത്. 282 സാമ്പിളുകളുടെ പരിശോധന ഫലം ലഭിക്കാനുണ്ട്. പുതിയതായി രണ്ട് പേരെ കൂടി ഐസൊലേഷൻ വാർഡിൽ പ്രവേശിപ്പിച്ചു.
സെന്റിനൽ സർവ്വേ ഭാഗമായി 633 സാമ്പിളുകൾ പരിശോധനക്ക് അയച്ചു. 628 പേരുടെ റിസൾട്ട് നെഗറ്റീവ് ആണ്. അഞ്ച് സാമ്പിളുകളുടെ പരിശോധന ഫലം ലഭിക്കാനുണ്ട്.