കാസർകോട്: മാസ്‌ക് ധരിക്കാത്തതിന് ജില്ലയിൽ ഇന്നലെ 262 പേർക്കെതിരെ കേസെടുത്തു. ഇതോടെ ആകെ കേസെടുത്ത് പിഴ ചുമത്തിയവരുടെ എണ്ണം 2843 ആയി. നിരോധനം ലംഘിച്ച് യാത്ര ചെയ്തതിന് ജില്ലയിൽ ഇതുവരെ 2371 കേസുകൾ രജിസ്റ്റർ ചെയ്തു. 3027 പേരെ അറസ്റ്റ് ചെയ്തു. 957 വാഹനങ്ങൾ കസ്റ്റഡിയിൽ എടുത്തു. ഇന്നലെ വിവിധ സ്റ്റേഷനുകളിലായി ഏഴു കേസുകൾ രജിസ്റ്റർ ചെയ്തു. 18 പേരെ അറസ്റ്റ് ചെയ്തു. രണ്ട് വാഹനങ്ങൾ കസ്റ്റഡിയിലെടുത്തു.