കണ്ണൂർ: ജില്ലയിൽ ഏഴു പേർക്കു കൂടി ഇന്നലെകോവിഡ് ബാധ സ്ഥിരീകരിച്ചതായി ജില്ലാ കലക്ടർ അറിയിച്ചു. ആറു പേർ വിദേശത്തു നിന്നും ഒരാൾ മഹാരാഷ്ട്രയിൽ നിന്നും വന്നവരാണ്.
കണ്ണൂർ വിമാനത്താവളം വഴി മേയ് 19ന് കുവൈത്തിൽ നിന്നുള്ള ഐഎക്സ് 790 വിമാനത്തിലെത്തിയ മൊറാഴ സ്വദേശി 32കാരി, 20ന് റിയാദിൽ നിന്നുള്ള എഐ 1912 വിമാനത്തിലെത്തിയ കതിരൂർ സ്വദേശി 55കാരൻ, ദുബായിൽ നിന്നുള്ള ഐഎക്സ് 1746 വിമാനത്തിൽ 26നെത്തിയ കരിവെള്ളൂർ സ്വദേശി 30കാരൻ, 27നെത്തിയ പന്ന്യന്നൂർ സ്വദേശി 27കാരി, കൊച്ചി വിമാനത്താവളം വഴി 15ന് എഐ 964 വിമാനത്തിലെത്തിയ ശ്രീകണ്ഠാപുരം സ്വദേശി 29കാരി, 17ന് ദുബായിൽ നിന്നുള്ള ഐഎക്സ് 434 വിമാനത്തിലെത്തിയ ചിറ്റാരിപ്പറമ്പ് സ്വദേശി 44കാരൻ എന്നിവരാണ് വിദേശത്തു നിന്നു വന്നവർ. 16നാണ് മട്ടന്നൂർ സ്വദേശി 35കാരൻ മഹാരാഷ്ട്രയിൽ നിന്നെത്തിയത്. ഇതോടെ ജില്ലയിൽ കൊവിഡ് ബാധിതരുടെ എണ്ണം 214 ആയി. ഇതിൽ 120 പേർ രോഗം ഭേദമായി ആശുപത്രി വിട്ടു.