കണ്ണൂർ: കൊവിഡ് രോഗത്തിന്റെ പുതിയ പ്രകൃതം കണ്ണൂരിനെ ആശങ്കയിലാക്കുന്നു. പ്രാഥമിക ലക്ഷണങ്ങൾ പ്രകടമാവില്ല. സ്രവപരിശോധന നടത്തിയാൽ ഫലം നെഗറ്റീവ്. ഒടുവിൽ കടുത്ത ചുമ പിടിപെടുമ്പോഴെ രോഗം തിരിച്ചറിയാൻ കഴിയുന്നുള്ളൂ. ഇതുകാരണം സമ്പർക്കത്തിലൂടെ രോഗം ബാധിക്കുന്നവരുടെ എണ്ണം കൂടിവരുകയാണ്. ഇന്നലെ റി​പ്പോ​ർ​ട്ട് ചെ​യ്ത 15 കേസുകൾ അടക്കം ഇതുവരെയുള്ള 229 കൊ​വി​ഡ് കേ​സു​ക​ളി​ൽ പലതിലും ല​ക്ഷ​ണ​ങ്ങൾ പ്രകടമായിരുന്നില്ല. ഇതിന്റെ നിരക്ക് സംസ്ഥാന ശരാശരിയെക്കാൾ കൂടുതലാണ്. പാട്യം, കൂത്തുപറമ്പ് മേഖലയിലാണ് കൂടുതൽ രോഗികൾ. ഈ പശ്ചാത്തലത്തിൽ ചില പ്രദേശങ്ങളിൽ ട്രിപ്പിൾ ലോക്ക് ഡൗൺ ഏർപ്പെടുത്താൻ നീക്കമുണ്ട്. മറുനാട്ടിൽ നിന്ന് കൂടുതൽപേർ എത്തിയതോടെയാണ് സമ്പർക്കരോഗികൾ കൂടിയത്.

രോഗികളിൽ ദുബായിലും (97) മഹാരാഷ്ട്രയിലും (30) നിന്നെത്തിയവരാണ് കൂടുതൽ.

മൊത്തം രോഗികൾ: 229

ലക്ഷണം പ്രകടമായവർ :36.5 %

ലക്ഷണം ഇല്ലാതെ: 63.5 %

സമ്പർക്ക ബാധിതർ: 57

രോഗികൾ:

പുരുഷൻ - 77.5 %

സ്ത്രീ -22.5 %

ഉറവിടം അറിയാതെ...

കോഴിക്കോട് മെഡി.കോളജിൽ മരിച്ച ധർമ്മടം സ്വദേശി ​ ആസ്യയ്ക്ക് കൊവിഡ് ബാധിച്ചതിന്റെ ഉറവിടം വ്യക്തമല്ല. അവിടെ സ്വകാര്യ ആശുപത്രിയിൽ ചികിത്സയിലിരിക്കേയാണ് രോഗം സ്ഥിരീകരിച്ചത്. മത്സ്യവില്പന നടത്തുന്ന ഈ ഇരുപതംഗ കുടുംബത്തിലെ 13 പേർക്കും ചികിത്സിച്ച കോഴിക്കോട്ടെ ആരോഗ്യപ്രവർത്തകനും കൊവിഡ് സ്ഥിരീകരിച്ചിട്ടുണ്ട്.

(കമന്റ്)

അന്വേഷണം നടക്കുന്നു

മത്സ്യവില്പനക്കാരുടെ കുടുംബത്തിലുള്ളവർക്ക് എങ്ങനെ രോഗം ബാധിച്ചെന്ന് അന്വേഷിച്ചുവരികയാണ്.

ഇ​വ​രു​ടെ ര​ണ്ട് മ​ക്ക​ൾ അന്യ സം​സ്ഥാ​ന​ക്കാ​രാ​യ മ​ത്സ്യ ക​ച്ച​വ​ട​ക്കാ​രു​മാ​യി ബ​ന്ധ​പ്പെ​ട്ടിരുന്നു.

ടി.വി. സുഭാഷ്

ജില്ലാ കളക്ടർ, കണ്ണൂർ