കോഴിക്കോട്: ജില്ലയിൽ പുതുതായി വന്ന 437 പേരുൾപ്പെടെ 5180 പേർ കൊവിഡ് നിരീക്ഷണത്തിലുണ്ടെന്ന് ജില്ലാ മെഡിക്കൽ ഓഫീസർ ഡോ. വി. ജയശ്രീ അറിയിച്ചു. ഇതുവരെ 23,349 പേർ നിരീക്ഷണം പൂർത്തിയാക്കി. പുതുതായി പ്രവേശിപ്പിച്ച 10 പേരുൾപ്പെടെ 33 പേരാണ് മെഡിക്കൽ കോളേജ് ആശുപത്രിയിൽ നിരീക്ഷണത്തിലുള്ളത്. 12 പേർ ആശുപത്രി വിട്ടു.

പ്രവാസികളാരും പുതുതായി നിരീക്ഷണത്തിലില്ല. ആകെ 385 പ്രവാസികളാണ് നിരീക്ഷണത്തിലുള്ളത്. ഇതിൽ 157 പേർ ജില്ലാ ഭരണകൂടത്തിന്റെ കൊവിഡ് കെയർ സെന്ററുകളിലും 217 പേർ വീടുകളിലുമാണുള്ളത്. 11 പേർ ആശുപത്രിയിൽ നിരീക്ഷണത്തിലാണ്. വീടുകളിൽ നിരീക്ഷണത്തിലുള്ളവരിൽ 59 പേർ ഗർഭിണികളാണ്.

ആരോഗ്യവകുപ്പ് ഡയറക്ടർ വീഡിയോ കോൺഫറൻസിലൂടെ ജില്ലാ കൊവിഡ് കൺട്രോൾ സെല്ലിന്റെ പ്രവർത്തനം വിലയിരുത്തി. ജില്ലാ പ്രോഗ്രാം ഓഫീസർമാർ വിവിധ പ്രാഥമിക ആരോഗ്യ കേന്ദ്രങ്ങൾ സന്ദർശിച്ച് പ്രതിരോധ പ്രവർത്തനങ്ങൾ വിലയിരുത്തി.

മാനസിക സംഘർഷം കുറയ്ക്കുന്നതിനായി മെന്റൽ ഹെൽത്ത് ഹെൽപ്പ് ലൈനിലൂടെ 17 പേർക്ക് ഇന്നലെ കൗൺസലിംഗ് നൽകി. 191 ഫോണിലൂടെയും സേവനം നൽകി. ജില്ലയിൽ 2221 സന്നദ്ധ സേന പ്രവർത്തകർ 6645 വീടുകൾ സന്ദർശിച്ച് ബോധവത്കരണം നടത്തി.

ജില്ലയിൽ കൊവിഡ് ഇങ്ങനെ

 പുതുതായി നിരീക്ഷണത്തിലായവർ- 437

 ആകെ നിരീക്ഷണത്തിലുള്ളത് - 5180

 നിരീക്ഷണം പൂർത്തിയാക്കിയത് - 23,349

 മെഡി. കോളേജിൽ നിരീക്ഷണത്തിലുള്ളത് - 33

 നിരീക്ഷണത്തിലുള്ള പ്രവാസികൾ - 385